2021-2022 oqý jylynda SHQO-da 644 mektepte 194 476 bala oqyp jatyr. Sońǵy qońyraý jospar boıynsha-dástúrli túrde 25 mamyrda oflaın formatta ótedi.

Atestatty saltanatty tapsyrý jáne bitirý 16-17 maýsymǵa josparlanǵan, is-sharalar mektep qabyrǵasynda ótedi.

Oblys boıynsha 11 synypty 8860 oqýshy aıaqtaıdy, onyń ishinde "Altyn belgi" belgisine úmitkerler sany – 564, úzdik atestatqa úmitkerler sany – 789.

11 synyp oqýshylary úshin emtıhandar 27 mamyrda bastalyp, 10 maýsymǵa deıin jalǵasady. Túlekter bes pán boıynsha emtıhan tapsyrýy kerek. 8860 túlektiń 7510-y UBT tapsyrýdy josparlap otyr.

Bıyl memlekettik bilim grantyna úmitkerlerge UBT-ǵa 2 ret qatysýǵa múmkindik beriledi. Bul rette, memlekettik bilim berý grantyn alýǵa arnalǵan konkýrsqa qatysý úshin oqýǵa túsýshi eń jaqsy nátıjesi bar sertıfıkatty usyna alady. UBT ótkizý merzimi 16 mamyrdan 5 shildege deıin jalǵaspaq.