Grýzıanyń Syrtqy ister mınıstrligi Reseıden "Bes kúndik soǵystyń" kelisimin oryndap, Abhazıa men Ońtústik Osetıadan áskerin alyp ketýdi talap etti, dep jazady nemistiń Deutsche Welle basylymy.
Grýzıa SİM oq atýdy toqtatý týraly kelisimnen beri 14 jyl ótkeninine qaramastan Reseı Grýzıanyń basyp alynǵan qos aımaǵyna zańsyz ústemdik etýin jalǵastyryp kele jatqanyn aıtady.
Mınıstrlik málimetinshe, ózin egemen el dep jarıalaǵan qos aımaqty Reseı qarýmen qamtamasyz etip, olardyń Grýzıadan tolyq bólinýine jumys istep otyr.
"Reseı aımaqtardyń bólinetin jerine tiken sym tartyp, adamdardy zańsyz urlap, adam quqyq aıaq asty etip, grýzın halqyn kemsitip otyr. Gýmanıtarlyq jaǵdaıdy buzyp, basyp alynǵan jerlerdegi adamdardy álemdik qaýymdastyq pen Grýzıadan oqshaýlandyrǵysy keledi" delingen habarlamada.
2008 jylǵy 8-12 tamyz aralyǵynda bolǵan Reseı men Grýzıa arasyndaǵy bes kúndik soǵys saldarynan Ońtústik Osetıa Grýzıadan bólinip, aımaqta halyqaralyq qaýymdastyq moıynmamaıtyn "respýblıka" paıda bolǵan. Olardyń egemendigin Reseı jáne onyń onyń birneshe serikter elderi ǵana moıyndaǵan. Áskerı qaqtyǵys saldarynan 850 adam qaza taýyp, 12 myń adam úıinen basqa jaqqa ketýge májbúr bolǵan.
Soǵys sol kezde Fransıa jetekshilik etip turǵan Eýroodaqtyń tikeleı aralasýymen toqtap, kelisimge qol qoıylǵan. Kelisimdegi negizgi sharttyń biri eki tarap qarýly kúshterin qaqtyǵys bastalǵanǵa deıingi pozısıaǵa qaıtarýy kerek edi. Alaıda Reseı atalǵan pýnktti oryndamaı, Abhazıa men Ońtústik Osetıaǵa yqpalyn saqtap keledi.
Pikir qaldyrý