Prezıdent Q.Toqaev "Qazaqstan Respýblıkasynyń keıbir zańnamalyq aktilerine kınematografıa, mádenıet jáne merekeler máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy.

Oǵan saı  1 jeltoqsan – Tuńǵysh prezıdent kúni memlekettik merekeler tiziminen alynyp tastalyp, 25 qazan Respýblıka kúni retinde qaıtadan merekeler tizimine enip, ulttyq mereke statýsyn ıelendi.

Tuńǵysh prezıdent kúnin merekeler tiziminen alyp tastaý, Respýblıka kúnin qaıtadan atap ótý týraly bastamany prezıdent saılaýynan keıin májilistegi "Jańa Qazaqstan" fraksıasy kótergen. Keı saıasattanýshylar usynys aldyn ala oılastyrylyp, aldaǵy kezekten tys prezıdent saılaýy qarsańyndaǵy Toqaevtyń saılaýaldy kompanıasy aıasynda jasalyp otyrǵanyn aıtady.

Qańtar oqıǵasynan soń Toqaev qaýipsizdik keńesiniń tóraǵasy atanyp, eks-prezıdent Nursultan Nazarbaevtyń qolynda de-úre bılik qalmaǵan soń elde birtindep deelbasızasıa júrgizile bastady. Aldymen qańtar oqıǵasynda Nazarbaevtyń Taldyqorǵanda qulaǵan eskertkishi turǵyzylmady, artynsha konstıtýsıadan Nazarbaevtyń ımýnıteti alynyp tastaldy. Qyrkúıekte elordaǵa Astana aty qaıtaryldy.

Elde Nazarbaevqa arnalyp turǵyzylǵan taǵy birneshe eskertkish bar. Joǵary oqý orny men mektepter jelisi, elordadaǵy áýejaı áli de Nazarbaev atynda. Respýblıkalyq mańyzy bar qalalar men oblys ortalyqtaryndaǵy Nazarbaev atyndaǵy kósheler men dańǵyldar da ózgergen soń. Toqaev tuńǵysh prezıdenttiń tarıhı eńbegine qurmet retinde olardy qaldyrý kerektigin aıtqan.