Qyrǵyz-qazaq shekarasyn zańsyz kesip ótti dep aıyptalǵan qos qazaqstandyq belsendi Asqat Jeksebaev pen Dıana Baımaǵambetova Bishkekte ótken sotta aqtalyp shyqty. Bul týraly belsendi, Táýelsiz baqylaýshylar uıymynyń jetekshisi Besjan Tóleýbekuly habarlady.
"Búgin 16.01.2023 jyly Asqat aǵa men Dıananyń ústinen qozǵalǵan qylmystyq is toqtaldy.
Asqat Jeksebaev pen Dıana Baımagambetova-ny sot zalynan bostty! Asqat pen Dıananyń aldaǵy prosesterine jáne Qyrǵyz elinde júrip turǵandaryna qarjylaı kómek kórseteıik.
Jubaıy Shara. I kaspı nómiri : 8 777 841 04 01" delingen belsendi jazbasynda.
Asqat Jeksebaev pen Dıana Baımaǵambetova 2021 jyly qazanda "Qazaqstannyń demokratıalyq tańdaýy" jáne "Kóshe partıasy" tirkelmegen qozǵalystaryn qurýǵa qatysty jáne onyń isine aralasty" dep aıyptalyp, Jeksebaev bes jylǵa sottalǵan, Baımaǵambetovanyń bostandyǵy eki jylǵa shektelgen. Byltyr Jeksebaev shartty jazamen bosap shyqqan.
Buǵan deıin qos belsendi qazaq-qyrǵyz shekarasynan zańsyz ótip, qamaýǵa alynǵany, olar qyrǵyz bıligine bosqyn mártebesin berý týraly ótinish jazǵany habarlanǵan.
