Syrtqy ister mınıstrligi ulybrıtanıalyq komısıanyń "Qańtar" oqıǵasy men belsendi Janbolat Mamaıdyń tergeýi boıynsha Qazaqstanǵa kelýi týraly týraly bildirdi. 

Aıbek Smadıarov Ulybrıtanıa parlamentinde Janbolat Mamaıdyń isin tergeý úshin qurylǵan resmı komısıa joq ekenin aıtty. 

"Mundaı komısıa Ulybrıtanıa parlamentinde de, úkimetinde de resmı túrde qurylmaǵan. Qazaqstannyń anonımdi azamattary tobynyń tapsyrysy boıynsha tergeý júrgizetin Bindmans LLP atty zań kompanıasy bar. Bul qandaı kompanıa jáne olar ne isteıdi, sizder ınternetten kórip alasyzdar. Al brıtandyq taraptyń aqparatyna sáıkes, bul komısıa dep atalatyn top eldiń parlamenti nemese úkimetiniń múddesin bildirmeıdi. Bul komısıanyń eshqandaı resmı róli joq", dedi mınıstr. 

Búgin Almatyǵa Qańtar oqıǵasyn jáne belsendi Janbolat Mamaıdy qylmystyq qýdalaý isin tergeý boıynsha Ulybrıtanıa Lordtar palatasynyń múshesi Ken Makdonald (Lord Macdonald KT KC of River Glaven) bastaǵan Komısıa ókilderi kelgen.

Quqyqqorǵaýshy, opozısıalyq saıasatker Janbolat Mamaıdyń zaıyby Inga Imanbaı Ulybrıtanıa parlamenti depýtattary qurǵan Komısıanyń elge kelýi halyqaralyq qaýymdastyq Qazaqstandaǵy jappaı adam quqyǵyn buzý jaǵdaılaryna kóz jumyp qaramaıtynyn bildiredi dep sanaıdy.