Ózbekstanda turmystyq zorlyq–zombylyq qylmystyq quqyq buzýshylyq sanatyna aýystyrylyp, psıhologıalyq qysym jáne kámeletke tolmaǵan balalarǵa kórsetiletin zorlyq–zombylyq úshin jaza zań júzinde kúsheıtildi, dep jazady uz.sputniknews.ru. 

"Depýtattar keıbir zańnamalyq aktilerge ózgerister men tolyqtyrýlar engizýdi kózdeıtin zań qabyldap, senatqa jiberdi", dep habarlaıdy Olıı Májilisi Zań shyǵarý palatasynyń baspasóz qyzmeti.

Sońǵy qabyldanǵan zańnamalarǵa sáıkes endi áıelder men balalarǵa fızıkalyq, ekonomıkalyq jáne psıhıkalyq zorlyq–zombylyq jasaǵandar zań aldynda jaýap beredi. Al alıment tóleýden jaltarǵandar aqyly qoǵamdyq jumystarǵa salynatyn boldy.

Sonymen qatar, adamnyń jeke ómiri men ar–namys, qadir–qasıetin qorlaıtyn málimetterdi jarıa etkender de qylmystyq jaýapkershilikke tartylady.

Eske sala keteıik, byltyr Ózbekstanda toı ústinde qalyńdyqqa qol kótergen kúıeý jigittiń vıdeosy áleýmettik jelilerde tarap, rezonans týdyrǵan bolatyn. Kúıeý jigitke qatań jaza qoldanylmady. Sodan beri ózbek qoǵamynda áıelderge kórsetiletin zorlyq – zombylyqqa beı–jaı qaramaıtyndar sany artty.