Ál-Farabı atyndaǵy Qazaq ulttyq ýnıversıtetinde Álemniń Ekinshi ustazy atanǵan ǵulama, dana babamyz Ábý Nasyr ál-Farabıdyń qurmetine arnalǵan dástúrli «Farabı álemi» atty jas ǵalymdar men stýdentterdiń halyqaralyq ǵylymı konferensıasy aǵymdaǵy oqý jyly 6 sáýirde óz jumysyn bastady. Ýnıversıtettiń izgilikti bastamasyna bizdiń JOO-ǵa deıingi bilim berý fakúlteti zor yqylaspen ún qosyp, konferensıa jumysyn JOO-ǵa deıingi daıyndyq kafedrasy – 5, sheteldikterdiń tildik daıyndyq kafedrasy – 3, kolej – 1, beıindik mektep – 2, jalpy 11 seksıa boıynsha uıymdastyrdy.

JOO-ǵa deıingi daıyndyq kafedrasy uıymdastyrǵan seksıalardyń, ásirese, Tarıh –  «Álem damýyndaǵy ınovasıalyq tehnologıanyń róli» seksıasynyń jumysy óte aýqymdy boldy, 70-teı otandyq JOO-lardan kelgen: Abylaıhan atyndaǵy QazHQ jáne ÁTÝ ýnıversıteti – 11, Qazaq Qyzdar Pedagogıkalyq ýnıversıteti -2, «Mıras» ýnıversıteti -2 , M.Áýezov atyndaǵy Ońtústik Qazaqstan ýnıversıteti-1   stýdentter men sheteldik tyńdaýshylar qatysqan seksıa óz jumysyn eki bólim boıynsha júrgizdi.

JOO-ǵa deıingi daıyndyq kafedrasynyń aǵa oqytýshylary A.K.Begalıeva, R.Naralıeva moderator bolǵan 2-bóliminde otandyq JOO-lardan kelgen stýdentterdiń kóp bolýy seksıa jumysyn jandyra tústi. «Jańa  Qazaqstandaǵy jastar saıasaty», «Jańa álemdegi Jańa Qazaqstan», «Qazaqstandaǵy bilim berý modeli» sekildi,. búgingi kúnniń ózekti máselesi bolyp otyrǵan taqyryptarǵa qatysty t.b baıandamalarǵa qyzyǵýshylyq joǵary bolýy da zańdy, sebebi ózderin Jańa Qazaqstannyń Ádiletti qoǵamynyń qozǵaýshy kúshi retinde sanaıtyn jastar arasynda «Jańa Qazaqstandy qalaı bolady dep sanaısyń?», «Jańa Qazaqstanda Ádiletti qoǵamdy qurýǵa qandaı úles qosasyń?» degen sekildi mazmuny tereń, aýqymdy suraqtar  osy taqyryptar aıasynda jan-jaqty talqylandy.

Sonymen qatar Beıbarys sultan, Abylaı han, Ospan batyr, D.A.Qonaevtaı tarıhı tulǵalar týraly baıandamalar da qyzyǵýshylyq týdyrdy. Beıbarys sultan –  mońǵol-tatar shapqynshylyǵyn toqtatý arqyly eki dúnıeniń: ıslam men hrıstıan álemin qutqarǵan mańyzdy tulǵa, al Abylaı han – jońǵar shapqynshylyǵyn toqtatyp, Úsh Júzdi bir týdyń astyna jınap, qazaq jerin azat etken uly han, D.A.Qonaevtyń keńestik dáýirde qazaq halyq úshin sińirgen eńbegi zor ult azamaty retinde bul tarıhı tulǵalar kópshilik tanymal bolsa, al Qytaı jerinde ult azattyǵy úshin kúresken Ospan batyr týraly málimet qazaqstandyq jastardy óte qyzyqtyrdy. Baıandamashy Daýthan Saıahattyń «bolashaqta Ospan batyrdy halqyqqa tanymal bolýy úshin ne áreket jasaısyń?» degen suraqqa –  «jyr músháırasyn, aqyndar aıtysyn uıymdastyrǵym keledi» degen jaýaby kópshilik kóńilinen shyqty.  Konferensıa barysynda árbir jumys jan-jaqty taldanyp, baıandamanyń maqsaty men mazmunyna tereń sholýlar jasaldy. Konferensıanyń jumysy barysynda baıandamasynyń ǵylymı izdenisi mol dep tabylǵan eńbek ıeleri rektorat tarapynan marapattaldy.  

Tarıh:  «Álem damýyndaǵy ınovasıalyq tehnologıanyń róli»  boıynsha jumys istegen seksıanyń 2-bóliminde komısıa sheshimimen baıandamalarynyń mazmuny men izdenisteri joǵary deńgeıde  bolǵan qatysýshylar: JOO-ǵa deıingi daıyndyq kafedrasynyń sheteldik tyńdaýshylary Qanybek Aıdana – I dárejeli Dıplommen, Daýthan Saıahat, al QazUÝ-dyń beıindik mektebiniń 11-synybynyń oqýshysy Muhanbekuly Toqtar –  II dárejeli Dıplomdarmen, JOO-ǵa deıingi daıyndyq kafedrasynyń sheteldik tyńdaýshylary Qýatnur Búldirshin, Muraluly Maǵjan, Abylaıhan atyndaǵy QazHQ jáne ATÝ ýnıversıtetiniń stýdentteri Ábjan Samal,  Kýrbanbek Ýlpan Sakenqyzy III dárejeli Dıplomdarmen marapattaldy.  

Jáne de seksıa barysynda belsendilik tanytqan qatysýshylar: Sraıl Arýjan, Baltabaı Nazerke, Oraz Bolysqan, Ońǵarbek Dına, Esengalı Dıana, Ǵazaq Mıan,Meıram Aıjan, Nurjamal Aısara, Dánkeı Balzan, Ýrmetov Nurlybek, Mahshar Aınur fakúltet tarapynan yntalandyrý marapattaryna ıe boldy.

Konferensıanyń saltanatty jabylýynda fakúltet pen kafedra basshylyǵy qatysýshylardyń, Jańa Qazaqstannyń damýyna ózindik úlesterin aıamaıtyn,  bilim-ǵylym keńistigimen qatar eńbek naryǵynda da básekege qabiletti otanyn súıgen azamattar bolyp qalyptasýyna sáttilik tilep, bárine ómirde baqyt, oqýda tabys, Ǵylym jolyndaǵy alǵashqy qadamdarymen jáne búgingi jetistikterimen quttyqtady. Konferensıa jas izdenýshilerdiń alǵan taǵylymy mol ǵylymı-tanymdyq shara boldy.

Ál-Farabı atyndaǵy QazUÝ-dyń aǵa

oqytýshylary Naralıeva R.T., Begalıeva A.K.