Ramazan aıynda Ierýsalımdegi Ál-Aqsa meshitine ızraıldik polısıa basyp kirdi. Palestınalyq musylmandarǵa granata, rezeńke oqpen shabýyl jasaldy. Shabýyl sársenbi kúni bastaldy. 

Resmı derek boıynsha qaqtyǵys kezinde 500-ge jýyq palestınalyq ustalyp, 100-den astamy zardap shekken. Izraıldik polısıa qyzmetkerleri jaraqat alǵan musylmandarǵa aýrýhanada em alýyna da ruqsat bermeı otyr.

Túrkıa prezıdenti Taıyp Erdoǵan Izraıl basqynshylarynyń áreketin qatań túrde synǵa aldy.

"Ramazan aıynda Izraıldiń Ál Aqsa meshiti men musylmandarǵa jasaǵan terrorlyq áreketin qatań synǵa alatynymdy bildirgim keledi. Meshitte qulshylyq jasaǵan beıbit turǵyndarǵa shabýyl jasaldy. Munyń aty – zulymdyq jáne provokasıalyq saıasat. Palestınalyq baýyrlarymyz jalǵyz emes. Mundaı aramza áreketti qatań túrde synǵa alamyn jáne shabýyldy toqtatýǵa shaqyramyn", dedi Erdoǵan.

Túrkıa prezıdenti Palestına prezıdenti Mahmýd Abbasqa habarlasyp, kóńil aıtty.

Budan bólek BUU-nyń Palestınany basyp alǵan terıtorıadaǵy adam quqyqtarynyń jaǵdaıy týraly Arnaıy baıandamashysy Francheska Albaneze sársenbide Izraıldiń qaýipsizdik kúshteri Ierýsalımdegi ál-Aqsa meshitinde palestınalyq musylmandarǵa qarsy shabýyldy aıyptady. 

"Palestınalyq musylmandar Ramazan aıynda qulshylyq jasaý úshin Ál Aqsa meshitine kirgen kezde ızraıldik polısıa negizsiz shabýyl jasady", dep jazdy Albaneze.