Eńbek jáne halyqty áleýmettik qorǵaý mınıstrliginiń málimdeýinshe, kún saıyn Qazaqstanǵa shamamen 7 myń reseılik kelip, sonsha adam elden shyǵady. Alaıda ne ósý, ne kemý kórsetkishi baıqalmaıdy. 

"Byltyrǵy oqıǵaǵa baılanysty memlekettik organdar baqylaý tetigin jasap shyǵarǵan. Bul shekara qyzmetinen bastap, ýaqytsha turýǵa ruqsat qaǵazyn alǵanǵa deıingi prosesterdi avtomattandyrýmen baılanysty. Sáıkesinshe, byltyr kelgen azamattar EAEO elderinde turý boıynsha jańa ereje qabyldanǵannan keıin Qazaqstanda kúntizbelik 180 kún ishinde 90 kúnnen artyq bola almaıdy" – dedi mınıstrlik ókili İlıas Espanov.

Keı derekke qaraǵanda mobılızasıadan keıin Reseıden 400–800 myń adam qonys aýdarǵan, dep habarlady Azattyq radıosy.

Emıgranttardyń 100 myńnan astamy Grýzıada, 100 myńy Qazaqstanda qalǵan. Shamamen 40 myńy Armenıaǵa qonys aýdarsa, 35 myńy Izraılge, Qyrǵyzstanǵa jáne Eýroodaq elderine ketken.