Qorǵanys mınıstrliginiń ókili "Vagner" jekemenshik áskerı kompanıasyna ótken qazaqstandyq týraly pikir bildirdi.
QR Qarýly kúshteri Qurlyq áskerleri bas qolbasshysynyń birinshi orynbasary Qanysh Ábýbákirovtiń sózinshe, Ýkraınaǵa qarsy soǵysatyn jasaq sapyna qosylǵan Marǵulan Bekenov Qazaqstan Qarýly Kúshteriniń quramynda boryshyn óteýge jaramsyz dep tanylǵan.
"Ol azamat týraly aıtsaq, Qazaqstan Respýblıkasy Qarýly kúshteriniń quramynda áskerı qyzmet etýge jaramsyz bolǵan. Qalǵan málimetke kelsek, qazirgi tańda bul máselemen aınalysyp jatqan ózge organdar bar. Solar atalǵan azamattyń áreketine quqyqtyq baǵa beredi", – dedi Bas shtab bastyǵy.
Eske sala keteıik, buǵan deıin Reseıde oqıtyn qazaqstandyq stýdent Marǵulan Bekenovtyń "Vagner" quramyna óz erkimen kirgeni týraly vıdeo taraǵan edi.
QR SİM qazaqstandyq jastarǵa “Vagner” sekildi jasaqtarǵa qosylǵysy keletinder Qazaqstanda 5 jyldan 9 jylǵa deıin sottalatynyn eskertti.
Derekkóz: Ulysmedia.kz
Pikir qaldyrý