Oraldaǵy qalalyq mádenıet jáne demalys saıabaǵynyń janynda ornalasqan garajda jarylys boldy, dep habarlaıdy Moı gorod basylymy. Atalǵan jarylystan keıin 3 adam qaza tapty. 

Polısıa qyzmetkerleri men órt sóndirýshiler dereý oqıǵa ornyna jetken. Órttiń saldarynan Abaı dańǵylynan Ihsanov kóshesine deıingi Isataı-Mahambet kóshesindegi qozǵalysty toqtatýǵa týra kelgen.

BQO TJD baspasóz qyzmeti habarlaǵandaı, 30 sharshy metr aýmaq órtendi, ishinde VAZ-2121 janǵan. Keıinirek órt 42 sharshy metrlik jeke turǵyn úıdiń shatyryna jaıyldy. Garajda órt sóndirýshiler úsh máıitti taýyp, tórt ottegi sısternasyn shyǵardy.

Órt tolyq sóndirildi. Tótenshe jaǵdaıdyń sebepteri men zalalyn mamandar anyqtaýda.