Qańtar oqıǵasy boıynsha tergelip jatqan Ádilet Ahyt tergeý ızolátorynda óz–ózine shege tyǵyp aldy. Aıyptalýshy bul áreketke ashynǵannan barǵanyn aıtqan. 

Ádilet Ahyt tergeý ádiletsiz ótip, ózine jala jabylǵandyǵy úshin osylaı jasadym degen. Ulysmedia.kz málimdeýinshe, aıyptalýshy bul jaıynda aryz da jazǵan. 

"03.05.2023 jyly saǵat 02.30 ýaqyt shamasynda RGÝ №67 mekemesiniń №14 kamerasynda ózimniń ishime shege tyǵyp, qol jumsadym. Sebebi 2022 jyly qańtar oqıǵasynda JTT tobynda bastalǵan maǵan qatysty qylmystyq is boıynsha prokýror Súttibaev S, Naýryzbaev Sh, Tergeýshi Syzdyqov E, Sapar Qýanysh maǵan jala jaýyp, kúdikti retinde tanyǵan úshin qamalyp otyrǵanym úshin osy áreketke baryp otyrmyn. Osy jóninde shara qoldanýyńyzdy suraımyn. Sonymen qatar, RGÝ №67 mekemesiniń qyzmetkerlerine aryz talabym joq", – delingen aıyptalýshynyń aryzynda.

Eske sala keteıik, Ádilet Ahytqa Qylmystyq kodekstiń 272 baby 1 tarmaǵy, 188 baptyń 1,3 tarmaqtary boıynsha aıyp taǵylǵan.