Oral qalalyq soty separatıstik áreket boıynsha qylmystyq kodekstiń eki babymen eki qala turǵynyn qamaýǵa aldy.
"Arazdyqty qozdyrǵany úshin" olarǵa 2000–7000 AEK aralyǵynda (6– 24 mln arasy) aıyppul salynady nemese sot 10 jylǵa deıin bas bostandyǵynan aıyrý múmkin.
Tergeýdi jumysyna 2023 jyldyń 11 aqpanynda chat–rýletkada bolǵan áńgime sebep boldy, dep habarlaıdy Ulysmedia.kz Áńgimelesý barysynda Oral qalasynyń turǵyny Denıs Rýdnyı Oral qalasy – Reseıdiń baıyrǵy qalasy ekenin aıtyp, qazaqtildi qazaqtardy "mambetter" dep ataǵan.
Sonymen qatar, Reseı Qazaqstanǵa shabýyl jasaǵan jaǵdaıda reseılikterdi qoldaıtynyn málimdegen. Vıdeoda bir áıel adam da bolǵan. Eki kúnnen keıin polısıa ekeýin de ustap, "Arazdyqty qozdyrý" baby boıynsha qylmystyq is qozǵaǵan.
Keıinnen áleýmettik jelide Denıs Rýdnyıdyń keshirim suraǵan vıdeosy tarady. Vıdeoda ol "keshirińizder, men qazaq elimdi jaqsy kórem" degen bolatyn.
Pikir qaldyrý