Aqtaý qalasynyń ákimdigi qaladaǵy prezıdentiń burynǵy reshıdensıasynyń ornyna ne salynatynyn aıtty, dep jazady Lada.kz basylymy.  

Prezıdenttiń burynǵy rezıdensıasy balalar úshin qaıta jabdyqtalady, alaıda qalalyq ákimdik Samal shaǵynaýdanyndaǵy 225 gektardan asa jer ýchaskesinde naqty ne salynatyny týraly sheshim áli qabyldamaǵan.

Buǵan deıin quny shamamen 1 mıllıard teńge bolatyn jer ýchaskesiniń memleketke qaıtarylǵany aıtylǵan edi. Mańǵystaý oblysy ákimdiginiń jer qatynastary basqarmasy 2002-2004 jyldary jer ýchaskesi «Mańǵystaýmunaıgaz» AQ menshigine berilip, kóp ýaqyt ótpeı, Oil Real Estate JSHS-ne satylǵanyn habarlaǵan bolatyn.

Sot tergeý arqyly 20 jyldan asa ýaqyttan keıin jer ýchaskesiniń zańsyz satylǵanyn anyqtady. Ýchaske ıesi apelásıalyq shaǵym berý arqyly birinshi satydaǵy sottyń sheshimin joıýǵa tyrysty.

Jer ýchaskesin berý kezinde Aqtaý qalasynyń ákimdigi jalpy tártipti saqtamaǵan, ıaǵnı jer ýchaskesi jer komısıasynyń jáne jerge ornalastyrý jobasynyń qorytyndysynsyz berilgen. Departamenttiń jer ýchaskesin memleket menshigine qaıtarý týraly talabyn birinshi satydaǵy sot qanaǵattandyrdy. Jaýapker bergen apelásıalyq shaǵym Mańǵystaý oblystyq sotynyń sheshimi boıynsha qanaǵattandyrylmady. Sot sheshimi zańdy kúshine endi, - dep habarlady Mańǵystaý oblysy ákimdiginiń jer qatynastary basqarmasy Lada.kz basylymyna.

Aqtaý qalalyq ákimdigi bul jer ýchaskesinde naqty ne salynatyny áli belgisiz ekenin habarlady.

Bul ýchaske bas josparǵa engizilip, egjeı-tegjeıli josparlaý ázirlenedi. Osydan keıin ǵana ýchaskede ne salynatynyn aıtýǵa bolady, - dep jaýap berdi ákimdik.

Eske sala ketsek, buǵan deıin el prezıdentiniń tapsyrmasy boıynsha Qostanaı, Aqtaý, Taraz, Atyraý jáne Aqtóbedegi óńirlik rezıdensıalar ákimdikterge balalardyń qajettilikterine beriletini habarlanǵan bolatyn. Sondaı-aq Atyraý, Jambyl, Aqtóbe oblystaryndaǵy prezıdent rezıdensıalaryn balalar saýyqtyrý ortalyqtaryna aınaldyrý josparlanǵan.