Almatyda ál-Farabı men Fýrmanov kósheleriniń qıylysynda ornalasqan "Sanset" meıramhanasynda saǵat 00:30 shamasynda atys boldy.

Kýágerlerdiń aıtýynsha, betperde taqqan 4 adam ǵımarat ishinde Makarov tapanshasynan oq atqan. Bir adam qarnynan, al ekinshisi aıaǵynan jaraqat aldy. Bul derekti Almaty qalasy Bostandyq aýdandyq polısıa basqarmasy tirkep, tergep jatyr. 

"Qylmys ornyna qalalyq polısıa departamentiniń bastyǵy Arystanǵanı Zapparov bastaǵan jedel-tergeý toby bardy. Qazirgi tańda atalǵan qylmysty ashýǵa baǵyttalǵan keshendi jedel is-sharalar júrgizilip jatyr", - dep jazdy İİM. 

Kúdiktilerdiń biri qamaýǵa alyndy. Qalǵan qatysýshylar anyqtalyp, tıisti jaýapkershilikke tartylatyn bolady.