Qazaqstanda erkekterdiń jalaqysy áıelderge qaraǵanda 34%-ǵa kóp. Bul týraly finprom.kz habarlady.
2022 jyly erkekterdiń ortasha aılyǵy 355,3 myń teńge bolsa, áıelderdiki 265,8 myń teńge bolǵan. Jalaqydaǵy aıyrmashylyq deńgeıi — 33,7%.
Keı óńirde jalaqy alshaqtyǵy budan da joǵary. Mańǵystaý oblysynda erlerdiń jalaqysy áıelderden 2 esege, Atyraýda – 86%-ǵa, Ulytaýda – 68%-ǵa artyq.
Qazaqstan boıynsha Jetisý oblysynda ǵana áıelderdiń jalaqysy erlerden kóbirek. Onyń ózinde 3,1%-ǵa ǵana. Jalaqydaǵy eń az aıyrmashylyq Jambyl (1,9%), Almaty (2,5%) jáne Soltústik Qazaqstan (5,5%) oblystarynda tirkelgen.
Pikir qaldyrý