Shyǵys Qazaqstan oblysynyń eks-ákimi Danıal Ahmetov Astana ákimi Jeńis Qasymbektiń jańa qyzmetke ıe bolǵanyn habarlady. 

"Búgin Astana jeńil atletıka federasıasynyń kezekti saılanbaly konferensıasy ótti. Konferensıa músheleriniń sheshimimen Jeńis Mahmuduly Qasymbek federasıa prezıdenti bolyp saılandy. Otyrys barysynda qalada jeńil atletıkany damytý, bapkerlerdiń biliktiligin arttyrý jáne sportshylardyń deńgeıin kóterý syndy mańyzdy máseleler talqylandy", – dep jazdy Danıal Ahmetov jelidegi paraqshasynda.

Aıta keteıik, 2018 jyldan beri Qazaqstan Respýblıkasy Jeńil atletıka federasıasyn Danıal Ahmetov basqaryp keledi.

SHQO-da 9 jyl ákim bolǵan Ahmetov maýsym aıynda qyzmetinen bosatylǵan bolatyn. Al Jeńis Qasymbek 2022 jyldyń jeltoqsanynan beri Astana ákimi qyzmetin atqarady.