Abaı oblysy ákimdiginde «Áleýmettik áriptestik, eńbek jáne áleýmettik qatynastardy retteý» jónindegi oblystyq úshjaqty komısıanyń kezekti otyrysy ótti.

Jıynda «Semeı mashına jasaý zaýyty» AQ jáne «Teplokommýnenergo» MKK (Shýlbınsk fılıaly da) jalaqy bereshegin óteý, «SHARCEM (SHARSEM)» JSHS jáne «KAZ Minerals Aktogay» JSHS-de jergilikti turǵyndardy jumysqa ornalastyrý, sheteldik jumysshylar men qazaqstandyq jumysshylardyń arasynda aıyrmashylyq boldyrmaý jáne jalaqysy kóterý, «Iadrolyq medısına jáne onkologıa ortalyǵy» kásiporny qyzmetin tekserý qortyndylary qarastyryldy.

Búginde «Semeı mashına jasaý zaýyty» AQ jalaqy bereshegin óteý maqsatynda sanator «Oljakol» JSHS men qyzmetkerlerdiń ókili arasynda memorandým jasalyp, 2023 jylǵy 13 qyrkúıekke deıin tolyq tóleý kestesi jasalǵan. Jıynda kásiporynnyń jańa basshylary barlyq bereshekti ýaqytynda jabatynyn jetkizdi.

2023 jylǵy 1 qyrkúıektegi jaǵdaıǵa sáıkes «Teplokommýnenergo» MKK shilde aıyna bereshegi bar. Taldaý kórsetkendeı, jyl saıyn maýsymaralyq kezeńde debıtorlyq qaryzdy tóleýge baılanysty kásiporynda jalaqydan bereshek paıda bolady eken. Qazir qyzmetkerlerdiń jalaqysyn tóleý joldary qarastyrylyp jatyr.

Bıylǵy 31 tamyzda «SHARCEM (SHARSEM)» JSHS kásiporny qyzmetkerleriniń jalaqyny kóterý týraly talabyna qatysty jaǵdaıdy retteý úshin kompanıa basshylyǵy, Jarma aýdanynyń ákimi jáne aýdan prokýrory ujymmen kezdesý ótkizdi. Kelissózder nátıjesinde jumys berýshi 200 qyzmetkerdiń jalaqysyn kóterý týraly sheshim qabyldady. Jumysshylardyń turmystyq jaǵdaıyn jaqsartý maqsatynda kásiporyn asqanasy men jataqhanasyn jóndep, osy aıda aıaqtaýdy josparlap otyr.

«Salalyq basqarma «SHARCEM (SHARSEM)» JSHS tekserý nátıjesinde anyqtalǵan kemshilikterdi 2023 jylǵy 1 qazanǵa deıin joıý sharalaryn qabyldasyn. Aıagóz, Jarma aýdanynyń ákimderi jumyspen qamtý jáne áleýmettik baǵdarlamalardy úılestirý basqarmasymen birlesip «KAZ Minerals Aktogay», «SHARCEM (SHARSEM)» kásipornyndaǵy bos jumys oryndaryna birinshi kezekte jergilikti turǵyndardy jumysqa ornalastyrýdy qarastyrsyn», - dedi oblys ákimi Nurlan Uranhaev.

Budan bólek, aımaq basshysy oblys ákiminiń orynbasary Sh.Baıbekovke jáne densaýlyq saqtaý basqarmasyna «Iadrolyq medısına jáne onkologıa» ortalyǵynyń tekserý jumystaryn zańnamalarǵa sáıkes bekitilgen merzimde aıaqtaýdy qamtamasyz etýdi, sonymen qatar nátıjeleri janjaqty talqylanyp, obektıvti túrde sheshim qabyldanýyn júktedi.

Aqtoǵaı jáne Qopa aýyly turǵandaryn jumyspen qamtý maqsatynda «KAZ Minerals Aktogay» JSHS kásiporny óz qarajatyna jana mamandyqty meńgerýge nemese qaıta daıarlaýdy uıymdastyryp jatyr. Semeı qalasyndaǵy Elektrotehnıkalyq kolejimen kelisip, 3 aılyq qysqa kýrstar ashty. Birinshe kezekte 15 adamdy oqytyp, baǵdarlama nátıjesin berse, oqytatyn adam sanyn kóbeıtý kózdelip otyr.

Otyrys sońynda Abaı oblysy ákimi kelesi aptada arnaıy «KAZ Minerals Aktogay» JSHS jáne «Iadrolyq medısına jáne onkologıa» ortalyǵynyń qyzmetkerlerimen arnaıy kezdesetinin jetkizdi.