Balalar ógeı ákesimen birge turatyn otbasylardy tekserý týraly másele Bas prokýratýradaǵy vedomstvoaralyq keńeste kóterildi. Bas prokýratýra jasóspirimder qylmysynyń aldyn alýǵa baǵyttalǵan "E-prevensıa" jobasyn tanystyrdy. 

Vedomstvo málimetinshe, jasóspirimder qylmysynyń aldyn alý máselelerinde baǵdarlama jasóspirimderdiń ómir súrý jaǵdaıyn, bos ýaqytyn, bilim alý múmkindikterin, áleýmettik máselelerdiń bolýyn zertteýge múmkindik beredi.

“Kámeletke tolmaǵandardyń jynystyq tıispeýshiligine qarsy qylmystardyń aldyn alý salasynda vedomstvo qyzmetkerleri qolaısyz otbasylarǵa, kópbalaly otbasylarǵa jáne balalar ógeı ákesimen birge turatyn otbasylarǵa barady. Júıe múddeli organdar: polısıa, bilim berý, áleýmettik qyzmetkerler arasyndaǵy ózara is-qımyldyń jetkilikti deńgeıin qamtamasyz etýge múmkindik beredi”, – dep málim etti vedomstvo.