Óńirlerdi ekonomıkalyq damytý jumystary boıynsha elimizde kóptegen sharalar júıeli túrde atqarylyp keledi. Sonyń ishinde Almaty oblysynda óńirdi básekelestikti arttyrý boıynsha  "ornyqty ekonomıkalyq ósý" jónindegi ulttyq jobalar; qazaqstandyqtardyń ál-aýqatyn arttyrýǵa baǵyttalǵan" sharalarǵa asa mán berilip, júıeli jumystar atqarylýda. Osyǵan sáıkes, Almaty oblysynda erkin ekonomıkalyq aımaqtar men arnaıy startap-ınkýbatorlar jumysynyń tájirıbesi men erekshelikterine qatysty 21 mamyr kúni Almaty oblysynyń ákimi Marat Sultanǵazıev jáne «Alataý» arnaıy ekonomıkalyq aımaq dırektory Jánibek Saýrbek JTC kompanıasynyń Sıngapýr basshysy Nelson Lúmen kezdesý ótkizdi.

Jalpy JTC Sıngapýrdaǵy bas josparlardyń, arhıtektýralyq sheshimderdiń jáne kelesi urpaq ýrbanızasıasynyń bastapqy oryndaǵy ázirleýshisi bolyp tabylady.

Kezdesýde Nelson Lú ındýstrıalyq jáne erkin ekonomıkalyq aımaqtar, arnaıy startap-ınkýbatorlar jumysynyń tájirıbesimen ári erekshelikterimen bólisti. Eki tarap jer resýrstaryn basqarý tártibi men tetikterin, tirkeý tártibin jáne turǵyndarǵa qyzmet kórsetýdi talqylady. Sonyń ishinde Almaty oblysynyń basshylyǵyna Djýrongtaǵy «Seletar» aeroǵarysh saıabaǵy men «Tuas» bıomedısınalyq saıabaǵyndaǵy jańa aýmaqtardy damytý kartasy usynyldy.

Kezdesý nátıjesinde, tájirıbe almasý jáne qazaqstandyq mamandardy oqytý týraly kelisimge qol qoıyldy. Sonymen qatar Nelson Lú Qazaqstanda ótetin bıznes-forýmǵa shaqyrtý aldy.

Jıyn barysynda Almaty oblysynyń óńirdi damytý úshin ozyq halyqaralyq tájirıbeni tartýǵa umtylysynyń jarqyn mysaly retinde kórinedi. Iaǵnı, tıimdi ındýstrıalyq aımaqtarymen jáne joǵary tehnologıalyq sheshimderimen tanymal Sıngapýr tájirıbesi, ınvestorlar úshin aımaqtyń tartymdylyǵyn arttyrý jáne ekonomıkalyq ósýdi jedeldetýde qundy qural bolyp tabylady.