Oǵan «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» jobasy jatady. Osy oraıda, Almaty oblysynda Qonaev pen Alataý qalalarynyń damýy joǵary ekologıalyq, «aqyldy» qala tujyrymdamasyna sáıkes, Úkimet bekitken keshendi damý josparynda 2023-2027 jyldardaǵy 187 is-sharany júzege asyrý kózdelgen bolatyn. Sonyń ishinde, qalany abattandyrý, kólik jáne ınjenerlik ınfraqurylymmen qamtamasyz etý, áleýmettik nysandardy salý jónindegi jobalardy iske asyrýǵa memlekettik búdjetten de, jeke sektor tarapynan da aıtarlyqtaı qoldaý kórsetilip keledi.
Jýyrda Premer-mınıstr Oljas Bektenov osy máselege baılanysty Almaty oblysyna jumys saparymen kelip, osy jyly oryndalýy tıis negizgi mindettermen, Qonaev qalasyn damytý jónindegi uzaqmerzimdi josparlarymen tanysty. Úkimet basshysy sondaı-aq Arnaıy ekonomıkalyq aımaq aýmaǵynda iri jobalardy iske asyrý máselesine qatysty Alataý ákiminiń baıandamasyn tyńdady.
Almaty oblysynyń ákimi Marat Sultanǵazıev baıandamasynda Qonaev qalasynyń abattandyrý jumystarynyń belsendi júrgizilip kele jatqandyǵyn aıta otyryp, byltyrǵy jyldyń qorytyndysyna sáıkes, 106 kılmetrlik ınjenerlik ınfraqurylym, sonyń ishinde 19 kılometr bolatyn avtojol, 61 kılometr elektr berý jelileri men 26 kılometr sýmen jabdyqtaý jáne sý burý jelileri jóndelgen-di. Al turǵynúı oramdaryna qatysty 610 páterlik 10 úı salynǵan. Sondaı-aq osyǵan baılanysty byltyr 15 úıdiń qurylysy bastalsa, bıylǵy 2024 jyly 32 úı bastalady degen josparǵa engizilgen. Iaǵnı, barlyǵy – 1400 páterlik 47 úı salynady dep josparlanýda. Al qazirgi kezeńde on úsh ınvestısıalyq joba júzege asyrylýda.
Sonyń ishinde jalpy pýl jobasy boıynsha 5 myń jumys ornyn ashýmen qatar kapıtal salymdarynyń jalpy kólemi 470 mıllard teńge bolatyn 23 perspektıvalyq usynystary da bar.
Sondaı-aq Almaty oblysynda demografıalyq ósimin nazarǵa ala otyryp, abattandyrý jumystary boıynsha kólemdi jumystar josparlanǵan. Onyń ishinde «Almaty–Óskemen» tasjoly qurylysynyń tehnıkalyq-ekonomıkalyq negizdemelerin ázirleý, «Jańa İle» jańa yqshamaýdanynda kóshe-joldarynyń jelisin tartý, turǵyn alaptarǵa komýnıkasıalar júrgizý jumystary bar. Aldaǵy 5 jylda qalada oqýshy oryndarynyń, zamanaýı medısınalyq mekemelerdiń, mádenı jáne sport nysandarynyń tapshylyǵy problemalaryn sheshý kózdelgen. Máselen, Qonaev kitaphanasynda 600 orynǵa arnalǵan Oqýshylar saraıy, Sport saraıy men drama teatry salynady.
Onkologıalyq, perınataldyq kópsalaly aýrýhana, aýysymda 500 adam qabyldaıtyn emhana men 200 tósek-oryndy ınfeksıalyq aýrýhanalar paıdalanýǵa beriledi.
Al Freedom finance týrısik salany damytýǵa qatysty ınvestor retinde áreket etip, bank jańa ornalastyrý obektilerin, qonaqúı keshenderin salý boıynsha alty ınvestısıalyq jobalar iske asyrylady. Jalpy keshendi jospar joǵary sapa standarttaryna saı jańa oblys ortalyǵyn damytýdy jedeldetýge múmkindikter ashyldy.
Osyǵan sáıkes, Premer-mınıstr Alataý qalasynyń jobasymen tanysyp, ákim Árken Ótenovtiń Arnaıy ekonomıkalyq aımaqty damytý perspektıvasyna qatysty baıandamasymen tanysty. Arnaıy ekonomıkalyq aımaq aýmaǵynda 96,6 myń gektarda jalpy somasy 383 mlrd teńgeni quraıtyn 11 iri ınvestısıalyq jobany iske asyrý josparlary men bul jeti myń jumys ornyn ashýǵa múmkindikterin berdi. a
Úkimet basshysy qala ákimshiligine áleýmettik, ınjenerlik jáne turǵynúı jobalaryn sapaly iske asyrýǵa baılanysty jaýapkershiliktiń salmaǵy aýyr bolatynyn aıtty. Úkimettiń qabyldaǵan qaýlysyna sáıkes, Alataý qalasynyń Bas jospary bekitile otyryp, jobalaý sheńberinde qurylystyń bıiktigi – qalanyń ortalyq bóliginen onyń shekarasyna qaraı tómendetý jolymen qalyptastyrý qaǵıdattary kózdelgen. Buǵan qatysty Úkimet basshysy:
- Almatyǵa jaqyn týrızmdi belsendi arttyra otyryp, ónerkásiptik, bilim berý men logıstıkalyq ortalyqqa aınalatyn iri megapolıs qurýdy qamtamasyz etýimiz qajet. Bas jospardyń árbir tarmaǵynyń iske asyrylýyn baqylaýda ustaı otyryp, birinshi kezektegi iri jobalardy ruqsat qujattamasymen qamtamasyz etý úshin qala aýmaqtarynyń egjeı-tegjeıli josparlaý jobalaryn ázirleýdi jedeldetýimiz kerek, - deıdi.
Jalpy «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» jumystary áli de jalǵasyn taba beredi.
