«Biz qoldy bolǵan jeke derekterdiń biryńǵaı tizilimin jasaýdy josparlap otyrmyz. Bizdiń elde osyndaı fýnksıonal bolǵanyn qalaımyz. Ol fýnksıa búkil álemde bolyp jatqan jeke derek urlyqtaryn tirkep otyrady. Ózderińiz bilesizder, budan Qazaqstan azamattary ǵana emes, búkil álem azamattary zardap shegip otyr. Biz osy urlanǵan derekterdiń ishinen qazaqstandyqtardyń derekterin taýyp, biryńǵaı bazada saqtaımyz. Birinshiden, bul óz azamattarymyzǵa onyń quqyǵy buzylǵanyn jáne shaǵym túsirýge haqyly ekenin habarlaý úshin kerek. Ekinshiden, osy derekter bazasy arqyly ár azamatqa jeke shyǵyp, alaıaqtar habarlasqan jaǵdaıda qalaı áreket etý kerektigin úıretemiz. Úshinshiden, eń bastysy, biz jeke derekter qoldy bolǵan jaǵdaıda elektrondy úkimet portalynda "stop kredıt" fýnksıasyn avtomatty túrde qosatyn ókilet alǵymyz keledi», — dedi ol.
Rýslan Ábdiqalyqov atalǵan fýnksıa byltyrdan beri erikti tártippen jumys istep turǵanyn eske saldy.
«Iaǵnı, azamat elektrondy úkimetten jeke kabınetine kirip, osy fýnksıany qossa ǵana alaıaqtardan saqtaıdy. Endi jeke deregi qoldy bolǵan azamattardyń syrtynan avtomatty túrde „stop kredıt“ fýnksıasyn qosýǵa ókilet alýymyz kerek. Eger azamatqa keıin nesıe alý kerek bolsa, eGOV-ke kirip, ol fýnksıany esh kedergisiz alyp tastaı alady. Biraq nesıe rásimdep bolǵannan keıin ol fýnksıanyń jalaýshasyn qaıta qosqany durys. Óıtkeni bul ár azamattyń qarjylyq qaýipsizdigi úshin óte mańyzdy», — dedi komıtet basshysy.
Pikir qaldyrý