Astana qalasynyń qylmystyq ister jónindegi aýdanaralyq soty kontrabandalyq jolmen  altyn buıymdar men medısınalyq dári-dármekterdi alyp kelgen adamnan para alǵan keden beketiniń qyzmetkerine úkim shyǵardy. 

"Para alý faktisi boıynsha T.-ǵa jáne kontrabandalyq júkti ákelgeni jáne para bergeni úshin  D.-ǵa qatysty úkim shyqty. T. keden beketi basshysynyń orynbasary bola otyryp, azamatsha D.-dan kedendik shekara "Stambýl-Astana" áýe qatynasy arqyly kontrabandalyq jolmen deklarasıalanbaǵan altyn buıymdar men medısınalyq dári-dármekterdi alyp kelgeni úshin 1 060 000 teńge kóleminde para alǵan, al D atalǵan aqshalaı syıaqyny bergen" - delingen resmı habarlamada. 

Sot úkimimen T. memlekettik qyzmette qyzmet atqarý quqyǵynan ómir boıyna aıyryla otyryp, 63 600 000 teńge mólsherinde aıyppul tóleıdi. Al D. ómir boıy memlekettik qyzmette qyzmet atqarý quqyǵynan aıyryla otyryp,28 196 000 teńge mólsherinde aıyppul tóleıdi.