Sybaılas jemqorlyqqa qarsy qyzmet 2023 jyldan beri izdeýde júrgen Qaırat Qudaıbergenniń inisi Darhan Ómiralıev ustady. Bul týraly Ulysmedia.kz habarlady. 

"Ol buryn sot úkimimen Vıktor Hrapýnovtan tárkilengen úsh úı men eki páter túrindegi memlekettik múlikti urlady degen kúdikke ilingen. Alaıaqtyq Almaty qalasy boıynsha UQK ákimdigi men departamentiniń laýazymdy adamdarynyń qatysýymen baqylaýdaǵy adamdarǵa kórineý tómen baǵamen jáne belgilengen saýda-sattyqsyz jyljymaıtyn múlikti ótkizý jolymen jasalǵan", - dep habarlady Antıkor. 

Ómirálıev 14 maýsymda Qyrǵyzstan astanasy Bishkekte ustalǵan. Ol  Qazaqstanǵa óz erkimen oralýǵa daıyn bolǵan. Qazir tergeý amaldary júrgizilip jatyr. 

Aıta keteıik,  7 tamyz kúni Almatynyń mamandandyrylǵan aýdanaralyq tergeý sotynda Darhan Ómiralıevtiń isi boıynsha sot otyrysy ótken bolatyn. Sot prosesine jýrnalıser kirgizilmedi.