Almaty oblysynda jańa týǵan nárestelerdi balalardan bas tartý pýnktterinde qaldyrǵan birneshe jaǵdaı tirkeldi. Balalarǵa arnalǵan qoraptar "úmit besigi" dep atalady jáne birneshe balanyń ómirin saqtap qaldy. Bul týraly Almaty oblysynyń densaýlyq saqtaý basqarmasy habarlady. 

"Úmit besigin" salýdaǵy basty maqsat bala quqyǵyn qorǵaý. 

Jýyrda Almatyda 14 shildede Qoqysty suryptaý kezinde jańa týǵan náresteniń denesi tabylǵany týraly jańalyq tarap, qoǵamdy dúr silkindirdi. Balanyń denesi paketke oralǵan. Polısıa nemquraıly anany izdep, bolǵan oqıǵanyń mán-jaıyn anyqtaıtynyn habarlady.  Almaty oblysy Qoǵamdyq densaýlyq saqtaý basqarmasynyń ana men bala densaýlyǵyn saqtaý bólimi basshysynyń m.a. Jadyra Ahmetova shaqalaqty aman alyp qalýǵa múmkindik boaǵanyn atap qtti.  Degenmen Qazaqstanda balalaryn qoqys jáshikterine, dárethanalarǵa nemese aryqtarǵa aıaýsyz tastaıtyndar áli de kúrdeli másele týdyryp otyr.

"Bul qaıǵyly jaǵdaıdyń aldyn alýǵa bolatyn edi. Elde ana men balany qorǵaý úshin barlyq jaǵdaı jasalǵan. Múmkin, anasy jas jáne aqparaty az bolǵan nemese qujattardy rásimdeýde qıyndyqtarǵa tap bolǵan shyǵar. Shaqalaqty qoqysqa tastaǵan ananyń qandaı jaǵdaıda bolǵany belgisiz.  Alaıda onyń áreketin eshteńe aqtaı almaıdy. Kishkentaı náresteni balalar úıine berý arqyly qutqarýǵa bolady, al eger anonımdilik mańyzdy bolsa, ony aýrýhananyń nemese polısıanyń janynda qaldyrýǵa bolady. Mundaı qadam zańmen jazalanbaıdy, múmkin ol qajetti kómek alar edi", – dep atap ótti Jadyra Ahmetova.

Ol sondaı-aq 2021 jyldan bastap Almaty oblysynda náreste-boks júıesi boıynsha jańa týǵan nárestelerdi qabyldaýdyń  anonımdi pýnkti jumys isteıtinin eske salady. Osy ýaqytqa deıin boksqa eki bala qaldyrylǵan. Osyǵan qaramastan, densaýlyq saqtaý mınıstrliginiń mamandary sábılerdi qutqarýdyń bul ádisi týraly alańdaýshylyq bildiredi, óıtkeni bul qaldyrylǵan nárestelerdiń kúrt ósýine ákelýi múmkin.

Álemdik tájirıbe kórsetkendeı, balalar qoraptary paıda bolǵannan keıin baladan bas tartýshylar sany edáýir óskeni baıqalady. Mundaı júıeni engizý BUU-nyń Bala quqyqtary týraly Konvensıasyn buzady jáne "neke jáne otbasy týraly" QR Kodeksiniń 60-babyna qaıshy keledi, oǵan sáıkes árbir bala otbasynda ómir súrýge jáne tárbıelenýge, sondaı-aq óz ata-anasyn bilýge quqyǵy bar.

Eske sala keteıik, " Úmit besigi " alǵashqy balalar boksy Almaty oblysynda Eńbekshiqazaq aýdanaralyq kópsalaly aýrýhanasynda 2020 jyldyń 21 qańtarynda ashylǵan bolatyn.

Eńbekshiqazaq aýdanynda "Úmit Besigin" ashý týraly sheshim qabyldaýǵa aýdanymyzdyń aýyldarynyń birinen qys mezgilinde dúkenniń esik tutqasynda qapshyqta qaldyrylǵan sábı sebep bolǵan edi. Baǵymyzǵa oraı náreste der kezinde anyqtalyp, oǵan medısınalyq kómek kórsetilgen edi.