Ónerkásip jáne qurylys mınıstriniń m. a. 2024 jylǵy 9 qyrkúıektegi buıryǵymen turǵyn úı sertıfıkattaryn berý erejesine ózgerister engizildi, dep habarlaıdy Qamshy.kz aqparattyq agenttigi.

Máselen, ıpotekalyq baǵdarlama, turǵyn úı qurylysynyń memlekettik baǵdarlamasy, "Naýryz" turǵyn úı baǵdarlamasy sheńberinde ıpotekalyq turǵyn úı qaryzyn paıdalana otyryp, azamattardyń turǵyn úı satyp alý quqyǵyn iske asyrý úshin oblystardyń, Astana, Almaty jáne Shymkent qalalarynyń, aýdandar men oblystyq mańyzy bar qalalardyń jergilikti atqarýshy organdary turǵyn úı sertıfıkattaryn áleýmettik kómek nemese áleýmettik qoldaý retinde usynady búdjettik kredıt túrinde.

Turǵyn úı sertıfıkaty Áleýmettik kómek retinde kelesi jaǵdaılarda beriledi:

• ótinish berýshiniń nemese onymen turaqty birge turatyn onyń otbasy músheleriniń (jubaıynyń, kámeletke tolmaǵan balalarynyń)tabysynyń bolmaýy;
• ótinish berýshide nemese onymen turaqty birge turatyn onyń otbasy múshelerinde (jubaıynda, kámeletke tolmaǵan balalarynda) sońǵy alty aıda otbasynyń árbir múshesine, onyń ishinde kúndizgi nysanda oqıtyn balalaryna aspaıtyn eńbek nemese kásipkerlik qyzmetten túsetin ortasha tabysy (zeınetaqy aýdarymdaryn, jeke tabys salyǵyn jáne ózge de mindetti aýdarymdardy esepke almaǵanda) bolýy negizgi orta, jalpy orta bilim berý uıymdarynda, tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim berýdiń bilim berý baǵdarlamalarynda, olar kámeletke tolǵannan keıin bilim berý uıymdaryn bitirgen ýaqytqa deıin (biraq 23 jasqa tolǵanǵa deıin) aǵymdaǵy qarjy jylyna arnalǵan zańnamada belgilengen aıyna eń tómen kúnkóris deńgeıiniń 3,1 eselengen kórsetkishinen aspaıtyn merzimge deıin oqytady.

Eń tómengi kúnkóris deńgeıiniń 3,1 eselengen koefısıenti múgedek balalarǵa jáne jetim balalarǵa, ata-anasynyń qamqorlyǵynsyz qalǵan balalarǵa qoldanylmaıdy.

Otbasynyń árbir múshesine sońǵy alty aıdaǵy ortasha tabys boıynsha belgilengen shekten asqan jaǵdaıda turǵyn úı sertıfıkaty búdjettik kredıt túrinde áleýmettik qoldaý retinde usynylady.

Kórsetiletin qyzmetti berýshi tıisti qarjy jylyna áleýmettik kómek nemese búdjettik kredıt túrindegi áleýmettik qoldaý retinde turǵyn úı sertıfıkattaryn berýdiń josparlanatyn somasyn kózdeıdi.

Áleýmettik kómek búdjet zańnamasynyń talaptaryna sáıkes aqylylyq, qaıtarymdylyq, merzimdilik sharttarynda búdjettik kredıt túrinde óteýsiz jáne qaıtarymsyz negizde kórsetiledi.

Turǵyn úı sertıfıkattaryn berý tıisti qarjy jylyna arnalǵan jergilikti búdjetterde kózdelgen qarajat sheginde júzege asyrylady.

Turǵyn úı sertıfıkattary ıpotekalyq baǵdarlamada, turǵyn úı qurylysy baǵdarlamasynda nemese "Naýryz"turǵyn úı baǵdarlamasynda kózdelgen tártippen turǵyn úı satyp alý kezinde tizbege sáıkes ótinish berýshilerge beriledi.

Bul rette ótinish berýshi turǵyn úı sertıfıkatyn alý nıeti týraly aqparattyq júıeden ekinshi deńgeıdegi bankke (EDB) habarlama usynady.

Memlekettik qyzmetti alý úshin qujattardy qosa bere otyryp, ESQ-men kýálandyrylǵan elektrondyq úkimettiń veb-portaly arqyly ótinish berý qajet.

Óz kezeginde veb-portal arqyly kórsetiletin qyzmetti berýshiniń jaýapty qyzmetkeri:

• ótinish berýshiden qujattardyń aqparattyq júıesinde kelip túsken jáne tirkelgen kúni olardyń tolyqtyǵyn, durystyǵyn jáne ótinish berýshi mártebesiniń Sanattar tizbesine sáıkestigin tekseredi;
• eki jumys kúni ishinde qarjy qarajatynyń qajettiligin esepteýdi júrgizedi jáne veb-portaldaǵy ótinish berýshiniń Jeke kabınetine túrin, somasyn nemese dáleldi bas tartýyn kórsete otyryp, turǵyn úı sertıfıkatyn berýdi maquldaý týraly sheshimimen habarlama jiberedi.

Oń habarlamamen birge veb-portaldaǵy ótinish berýshiniń Jeke kabınetine elektrondyq qujat túrindegi turǵyn úı sertıfıkatyn berý týraly kelisim jiberiledi, oǵan úsh jumys kúni ishinde ESQ bar taraptar qol qoıady.

Ótinish berýshi kelisimge belgilengen merzimde qol qoımaǵan jaǵdaıda kórsetiletin qyzmetti berýshi kelisim jasasýdan bas tartady.

Búdjettik kredıt túrinde áleýmettik qoldaý kórsetý kezinde kelisim ótinish berýshi, kórsetiletin qyzmetti berýshi jáne senim bildirilgen ókil (agent) arasynda úsh jumys kúni ishinde jasalady.

Osy merzim ishinde senim bildirilgen ókil (agent) ótinish berýshimen ESQ veb-portalynda jyldyq 0,01% mólsherinde syıaqy mólsherlemesi boıynsha 15 jylǵa deıingi merzimge búdjettik kredıt berý týraly kredıttik shart jasasady.

Búdjettik kredıtterdi berý, óteý jáne olarǵa qyzmet kórsetý jónindegi qosymsha sharttar kredıttik shartta belgilenedi.

Ipotekalyq baǵdarlama, turǵyn úı qurylysy baǵdarlamasy jáne "Naýryz" turǵyn úı baǵdarlamasy sheńberinde satyp alynatyn turǵyn úı kepilin qospaǵanda, búdjettik kredıt boıynsha mindettemelerdi oryndaý kepilmen, jazbasha kepildikpen, kepilgerlikpen nemese respýblıka zańnamasynda nemese shartta kózdelgen basqa da tásildermen qamtamasyz etiledi.

Kórsetiletin qyzmetti berýshi veb-portalda ESQ-men senim bildirilgen ókilmen (agentpen) tapsyrma shartyn jasasady.

Tapsyrma sharty senim bildirilgen ókildiń (agenttiń) turǵyn úı sertıfıkatyn alýshymen kredıttik shart jasasýyn, onyń qarjylyq jaı-kúıiniń monıtorıńin, turǵyn úı sertıfıkatynyń somasyn aýdarýdy, aqparattyq júıede búdjettik kredıtti óteýdi esepke alýdy kórsetiletin qyzmetti berýshiniń shotyna júrgizýdi kózdeıdi.

Áleýmettik kómek usynylǵan jaǵdaıda kórsetiletin qyzmetti berýshi veb-portalda kelisim jasalǵan kúnnen keıin bir jumys kúninen keshiktirmeı ótinish berýshiniń eskroý-shotyna / jınaq shotyna turǵyn úı sertıfıkatynyń somasyn aýdarý úshin "Qazynashylyq-Klıent" aqparattyq júıesine júkteletin tólem shotyn qalyptastyrady.

Sodan keıin senim bildirilgen ókil (agent) ótinish berýshiniń eskroý-shotyna / jınaq shotyna turǵyn úı sertıfıkatynyń somasyn kredıttik shart jasalǵan kúnnen keıin bir jumys kúninen keshiktirmeı aýdarady.

EDB ótinish berýshiniń eskroý-shotyna/jınaq shotyna turǵyn úı sertıfıkatynyń somasy túsken kezde onymen ishki tártipke sáıkes banktik qaryz shartyn, ıpotekalyq shartty (kepil shartyn) jasasady.

Ótinish berýshi turǵyn úı sertıfıkatyn paıdalana otyryp, ıpotekalyq turǵyn úı qaryzyn resimdegennen keıin bes jumys kúni ishinde kórsetiletin qyzmetti berýshige (senim bildirilgen ókilge (agentke) veb-portal arqyly banktik qaryz shartynyń jáne ıpotekalyq Sharttyń (kepil shartynyń) kóshirmesin usynady.

Turǵyn úı sertıfıkatynyń somasy eskroý-shotqa / jınaq shotyna aýdarylǵan kúnnen bastap 15 jumys kúni ishinde ıpotekalyq turǵyn úı qaryzy resimdelmegen jaǵdaıda qaryz berý týraly sheshim qabyldaǵan EDB somany jergilikti búdjetke qaıtarýdy júzege asyrady.

Astana jáne Almaty qalalarynyń qala mańyndaǵy aımaqtarynda turǵyn úı satyp alý jaǵdaılaryn qospaǵanda, ıpotekalyq baǵdarlama, turǵyn úı qurylysy baǵdarlamasy nemese "Naýryz" turǵyn úı baǵdarlamasy sheńberinde turǵyn úı satyp alý kezinde ıpotekalyq turǵyn úı qaryzy boıynsha bastapqy jarnanyń bir bóligin jabý úshin berilgen turǵyn úı sertıfıkaty jergilikti atqarýshy organnyń tıisti aýmaqtyq birligi sheginde qoldanylady.

Ótinish berýshiniń ıpotekalyq baǵdarlama, turǵyn úı qurylysy baǵdarlamasy nemese "Naýryz"turǵyn úı baǵdarlamasy sheńberinde turǵyn úı satyp alý kezinde ıpotekalyq turǵyn úı zaemy boıynsha bastapqy jarnanyń bir bóligin jabý úshin turǵyn úı sertıfıkatyn birneshe ret alýyna jol berilmeıdi.

Qaǵıdalar sondaı-aq memlekettik qyzmetter kórsetý máseleleri boıynsha kórsetiletin qyzmetti berýshiniń sheshimderine, áreketterine (áreketsizdigine) shaǵymdaný tártibin kózdeıdi.

Buıryq 2024 jylǵy 27 qyrkúıekten bastap qoldanysqa engiziledi. Biz jyljymaıtyn múlik ıelerine ne bilý kerektigin buryn aıtqan bolatynbyz.