6 qazan kúni Qaraǵandy oblysyndaǵy Qarqaraly aýmaǵynan jáne Pavlodar oblysynyń Baıanaýyl ulttyq parkiniń shekara aımaǵynan órt shyqtty. Órtke qarsy jumyldyrylǵan kúshter men quraldardy úılestirý maqsatynda mınıstrliktiń jedel shtaby iske qosyldy. Sonymen qatar Pavlodar oblysynyń Jeltaý aýylynda dalalyq jedel shtab qurylyp, jumys istep jatyr. Órtti joıý jumystaryn vıse-mınıstr júzege asyrýda. Mınıstrliktiń kúshteri men quraldaryn dereý baǵyttap, qosymsha Abaı, Aqmola jáne Astana qurylymdarynyń kúshteri oqıǵa ornyna bardy, - dedi Árinov.

Mınıstr óńirlerdegi órtke qarsy Qorǵanys mınıstrligi men Ulttyq ulannyń ushaqtary tartylǵanyn aıtady.

- Pavlodar oblysy, Jeltaý aýylynyń 18 turǵyny kórshi aýyldaǵy pýnkke evakýasıalandy. Qazirgi tańda Pavlodar oblysyndaǵy órti tolyqtaı lokalızasıalanyp, kúshterdiń baqylaýynda. Qaraǵandy oblysynda da sondaı nátıjege jetemiz degen oıdamyz. Onymen qosa, túnde Reseı jaǵynan Qostanaı oblysy Jitiqara aýdanyna 500 gektar kólemindeı órt sharpydy. Órt der kezinde joıyldy. Qazirgi jaǵdaı turaqty, - dedi Tótenshe jaǵdaılar mınıstri.