Jýyrda Almatydaǵy «Toǵanaı T» baspasynan Hıroshımadaǵy Japonıa-Evrazıa uıymynyń, Japonıa fólklortanýshylar asosıasıasynyń, Evrazıa Jazýshylar Odaǵynyń múshesi Sharafat Jylqybaevanyń «Kúnekeıdiń elinde» dep atalatyn kitaby jaryq kórdi.

Kitapqa ǵalymnyń ejelgi japon mádenıetiniń bastaýlary men búgingi damý belesteri týraly zertteý maqalalary engizilgen. Japon mıfteri, ańyzdary men ertegilerimen aıshyqtalǵan kitap qazirgi Japonıanyń ǵylymı, tehnologıalyq jetistikteri, bilim júıesi, ulttyq tárbıe negizderi men turmys-tirshiligi týraly málimetterge baı. «Alataý, Fýdzı arasy», «Omotenashı: japon qoǵamyndaǵy minsizdik», «Fýdzı gúldegende» degen úsh taraýdan turatyn bul eńbek avtordyń fólklortaný, shyǵystaný men ádebıet tarıhy boıynsha zertteý maqalalaryn, sondaı-aq ár jyldary japon azamattarymen, qazaqtyń ǵylym-óner qaıratkerlerimen júrgizgen qyzyqty suhbattaryn da qamtıdy.