ASSYLTAS qoǵamdyq qory Abaı oblysynyń jastaryna “jasandy ıntellekt” negizderin tegin oqytýdy bastady. Ozyq stýdentter AQSH-tyń Boston qalasyna bilim saparyna jiberiledi.
Bolashaqtyń tehnologıasyn meńgerýge baǵyttalǵan «Assyl AI» jobasyna 100-den astam stýdent qatysyp jatyr. Olar toppen jumys isteıdi, JI teorıasy men praktıkalyq tapsyrmalar oryndaıdy jáne sala mamandarymen jumys isteıdi.
«Jyl basynda memleket basshysy Qazaqstanda jasandy ıntellektiniń damýyn jedeldetý qajettigin aıtty. Úkimet sıfrlandyrý men JI-dy qoldaný boıynsha keshendi júıe qurýy tıis. Osy maqsatta ASSYLTAS qoǵamdyq qorynyń bastamasymen, Halyqaralyq Qazaq tiliniń qoldaýymen jańa joba ázirlendi. Biz elimizde JI-dyń damýyna óz úlesimizdi qospaqpyz. Alǵashqy qadamymyzdy Abaı oblysynda bastaýdy jón kórdik», - dedi ASSYLTAS qorynyń quryltaıshysy Dýlat Tastekeı.
Baǵdarlama aıasynda qatysýshylar hakatonda bıznes-keıster men naqty tapsyrmalardy sheship, úzdik ıdeıalar men jobalar tańdalady. Budan bólek, perspektıvaly jobalarǵa mını-granttar beriledi, olar qarjylyq qoldaý alady. Sonymen qatar úzdik stýdentter TAS Group kompanıalar tobyna jumysqa turýǵa múmkindik alady. Baǵdarlama qorytyndysy boıynsha bas júlde jeńimpazdary Massachýsets Tehnologıalyq Instıtýtyna bilim saparymen jiberiledi. Sapar barysynda olar álemdik deńgeıdegi tehnologıalyq kompanıalardy kórýge múmkindik alady.
Bolashaqta «Assyl AI» jobasyn elimizdiń barlyq óńirlerinde jasaýdy josparlap otyrmyz.
