TARAZ. QazAqparat - Búgin Tarazda Shensı provınsıasynyń Sánán qalasy (Qytaı Halyq Respýblıkasy) men Jambyl oblysynyń Taraz qalasy (Qazaqstan Respýblıkasy) arasynda dostyq qatynas ornatý týraly hattamaǵa qol qoıyldy.
«Atletık» ortalyǵynda kelissózder ústeliniń basynda qytaılyq kompanıalar men jambyl óńiriniń basqarý qurylymdarynyń ókilderi jınaldy. Olardyń arasynda QKP komıtetiniń Sánán qalasyndaǵy hatshysy Veı Sı Tın myrza men «I-Ze Fýsa» shaı kompanıasynyń prezıdenti Ma Hyn Gon myrza boldy.

Qazaqstandyq jáne qytaılyq taraptar aımaqtar arasyndaǵy yntymaqtastyqtyń múmkindikteri men bolashaǵyn egjeı-tegjeıli talqylap shyqty. Ózara tıimdi yntymaqtastyqtyń basymdyq salalary retinde aýyl sharýashylyǵy, saýda, qurylys salasy atalǵan.

Eske sala keteıik, N.Nazarbaevtyń usynǵan «Nurly jol» baǵdarlamasynyń aıasynda Qazaqstan dúngenderi qaýymdastyǵy men «I-Ze Fýsa» kompanıasy qaıta jandandyrylǵan Uly Jibek jolynyń ekonomıkalyq beldeýin qurý ıdeıasyn qoldaý maqsatynda «Qytaı-Qazaqstan: Uly Jibek jolynyń shaı mádenıeti» dostyq pen yntymaqtastyq kerýenin uıymdastyrdy. Keshe Tarazda Qytaıdan bir jyldan astam ýaqyt boıy Uly Jibek joly baǵdarymen júrgen jaıaý kerýen ekspedısıasyn saltanatty túrde qarsy alý sharasy ótti. Kerýen «I-Ze Fýsa» kompanıasynyń Shensı provınsıasynda ósirip júrgen fýsa atty baǵaly emdik shaıyn jetkizdi.

Sánán - aýylsharýashylyq aýdanynyń mańyzdy saýda ortalyǵy.

Shensı provınsıasynyń Sıan qalasynan 25 shaqyrym jerde ornalasqan Sánán qalalyq okrýgine 3 aýdan, 1 qalalyq ýez, 10 ýez kiredi. Turǵyndar sany - 5 mln. astam adam. Sánánniń kólik toraby, áýejaıy, damyǵan mashına jasaý, sondaı-aq toqyma, tigin, farmasevtıkalyq, tamaq ónerkásibi bar. Munda elektronıka jáne qurylys materıaldary shyǵarylyp, dástúrli qolóner gúldenip otyr. 

Derekkóz: QazAqparat