ALMATY. QazAqparat - Qazaqstanda 2017 jylǵa qaraı benzın tapshylyǵy joıylady. Bul týraly búgin Almatyda Halyqaralyq KIOGE-2015 «Munaı jáne Gaz» konferensıasy barysynda jýrnalıserge bergen suhbatynda QR Energetıka vıse-mınıstri Maǵzum Myrzaǵalıev málim etti.
«Qazirgi tańda Atyraý, Pavlodar jáne Shymkent qalalaryndaǵy munaı óńdeý zaýyttarynda kúrdeli jańǵyrtý jumystary júrgizilip jatyr. Ol 2016 jyldyń sońyna deıin jalǵasady. Keıin ol zaýyttar tolyǵymen iske qosylǵan soń, 2017 jyldyń basyna qaraı elimizde benzın tapshylyǵyn tolyǵymen joıamyz degen senimdemiz. Qazir, osy baǵytta jan-jaqty jumystar júrgizip jatyrmyz. Al janar-jaǵar maı baǵasynyń qymbattaýyna dál qazir eshqandaı negiz joq», - dedi M. Myrzaǵalıev.

Sonymen qatar, QR Energetıka vıse-mınıstri 2017  jylǵa qaraı Qazaqstanda óndiriletin munaı shıkizatynyń kólemi de artatyndyǵyn jetkizdi.

«2014 jyly Qazaqstanda 81 mln. tonnadaı munaı óndirilgen bolatyn. Sodan, munaı baǵasynyń arzandap ketýine baılanysty bıyl 79,5 mln. tonnadaı munaı óndiriledi dep otyrmyz. Óıtkeni, eksporttyq kirister azaıyp jatyr. 2016 jyly boljam boıynsha 77 mln. tonna munaı óndiriledi. Al 2017 jyldan bastap, kerisinshe munaı óndirý kólemi ósedi. 2020 jylǵa qaraı jylyna 92 mln. tonna munaı óndiremiz dep boljam jasap otyrmyz. Onyń ústine 2017 jyldan bastap, «Qashaǵan» ken ornynda munaı óndirile bastaıdy degen boljam bar. Buǵan deıin munaı baǵasy da ósýi múmkin», - dedi M. Myrzaǵalıev.

Aıta ketelik, «Interkontınental» qonaq úıinde ótip jatqan konferensıa jumysyna QR Energetıka  mınıstrligi jáne Investısıalar jáne damý mınıstrlikteriniń ókilderi, munaı jáne gaz salasynda qyzmet atqaratyn otandyq jáne sheteldik iri kompanıalardyń basshylary, ǵylymı-zertteý ınstıtýttarynyń ǵalymdary qatysýda.

Konferensıa jumysy odan ári jalǵasýda. Ol eki kúnge sozylady. 

Derkkóz. QazAqparat