ASTANA. QazAqparat - Ońtústik Qazaqstan oblysynda 2015 jyldyń IIİ toqsanynda kámeletke tolmaǵandar arasynda quqyqbuzýshylyqtyń, qańǵybastyqtyń, qaıyrshylyqtyń, panasyzdyqtyń, áleýmettik jetimdiktiń aldyn alý maqsatynda bilim, jastar saıasaty jáne tilderdi damytý basqarmasy, ishki saıasat jáne din isteri basqarmasy, ishki ister departamenti oblystyq prokýratýramen birlese otyryp Shymkent qalasyndaǵy №43, №40, 72 jalpy orta mektepterinde «Qoǵamnyń qazirgi damý kezeńindegi otbasy jáne bala tárbıesi: ózekti máseleler men sheshý joldary»aıasynda kezdesýler ótkizdi. Bul sharalar «Biz - Qazaqstannyń bolashaǵymyz», «Kámelettik jasqa tolmaǵandar arasynda quqyqbuzýshylyqtyń, balalarǵa qatysty zorlyq-zombylyqtyń jáne áleýmettik jetimdiktiń aldyn-alý», «Otbasy tárbıesi», «Kámeletke tolmaǵandardyń quqyqtary men mindetteri» taqyrybymen uıymdastyryldy.
Kezdesýge jalpy 2000-ǵa jýyq oqýshy, jergilikti atqarýshy organ, ishki ister organdarynyń qyzmetkerleri, kámeletke tolmaǵandardyń isi jónindegi aýdanaralyq sottyń mamandary, úkimettik emes uıymdar men BAQ ókilderi qatysty. Kezdesý barysynda kóterilgen máseleler men usynystar boıynsha jergilikti atqarýshy organdarǵa arnaıy hattar joldanyp, jumystar júrgizilýde.
Jasóspirimder quqyqbuzýshylyǵynyń aldyn alý jáne eskertý, buzaqylyqqa bet alǵan jasóspirimder toptaryn, esirtki quraldary men psıhotroptyq zattardy, spırttik ishimdikterdi paıdalanatyn jáne sabaqtan qashyp júrgen, túngi ýaqytta zańdy tulǵalardyń alyp júrýinsiz oıyn-saýyq mekemelerinde júrgen kámeletke tolmaǵan jastardy anyqtaý maqsatynda prokýratýra, ishki ister qyzmetkerleri, úkimettik emes uıymdardyń ókilderimen birge oblys kóleminde 28 ret kúndizgi jáne 32 ret túngi reıdtik is-sharalar uıymdastyryldy.
Jalpy is-shara barysynda 256 jasóspirim anyqtaldy. Olardyń ishinde OQO Kámeletke tolmaǵandardy beıimdeý ortalyǵyna 235 jasóspirim ornalastyrylǵan. 7 bala - quqyqbuzýshylyq jasaǵan, 68-i - qańǵybastyqqa salynǵandar, 96-sy - túngi mezgilde oıyn-saýyq ortalyqtarynda sebepsiz júrgender. 3 bala ishki ister bólimine tirkeýge alyndy, 5 balanyń ata-anasy Qazaqstan Respýblıkasynyń ÁQBtK-ne sáıkes jaýapkershilikke tartyldy. 21 bala turǵylyqty mekenjaıy boıynsha úıine jetkizildi. İs-shara barysynda anyqtalǵan balalar jaıly aýdandyq, qalalyq bilim bólimderine arnaıy hat joldanyp, tıisti jumystar atqarylýda. Júrgizilgen reıdtik is-sharalar jergilikti telekanaldardan kórsetilip, oblys jurtshylyǵyna tanystyryldy.
Oqýshylardy negatıvti aqparattyń áserinen qorǵaý maqsatynda Internettegi ruqsat etilmegen saıttar men resýrstarǵa qoljetimdiligin qysqartýdy qamtamasyz etý boıynsha oblys ákiminiń orynbasary Erlan Aıtahanovtyń tóraǵalyǵymen ótken májilistiń hattamasy túzilip, naqty tapsyrmalar berildi.
QR «Kámeletke tolmaǵandar arasyndaǵy quqyq buzýshylyqtardyń profılaktıkasy men balalardyń qadaǵalaýsyz jáne panasyz qalýynyń aldyn-alý» týraly Zańyn oryndaý jáne kámeletke tolmaǵan jasóspirimder arasyndaǵy qylmys pen quqyq buzýshylyqtyń aldyn alý maqsatynda oblys aýmaǵyndaǵy aýdan, qalalardaǵy bilim berý mekemelerinde oqýshy stýdentterimen jumystar atqarylýda.
Derekkóz. QazAqparat
