ALMATY. QazAqparat - Almatyda sheneýnikter HQKO shtatyn keńeıtý týraly bastama kóterdi. Mundaı oı búgin qalalyq QR memlekettik qyzmet jáne sybaılas jemqorlyqqa qarsy kúres departamenti janyndaǵy tártiptik keńeste aıtyldy.
Mamandardyń aıtýynsha, qala aýmaǵynyń eki ese ulǵaıyp, halyq sanynyń artýyna baılanysty qalalyq halyqqa qyzmet kórsetý ortalyqtarynda, memlekettik organdarda atqaratyn jumys kólemi eki ese ulǵaıǵan. Al, HQKO-lardyń shtattyq kólemi áli keńeıtilmegen. 

«Shynymen de memlekettik organdarǵa júkteme ulǵaıdy. Bul másele óte ózekti. Osy jaıynda qalalyq ákimdik apparatynyń basshysyna hat jazyp, qajetti taldaý jumystaryn júrgizý týraly usynys jazamyz. Memlekettik ister jónindegi agenttikke de hat jiberemiz», - dedi Sybaılas jemqorlyqqa qarsy kúres jáne memlekettik qyzmet sapasyn baqylaý qoǵamdyq keńesiniń tóraǵasy Stanıslav Kankýrov. 

Almaty qalalyq ákimdigi apparatynyń memlekettik qyzmetti qadaǵalaý bóliminiń jetekshisi Meıram Súıindikovtiń aıtýynsha, Almatyda 80 memlekettik organ jumys jasaıdy. 

«2015 jyly atalǵan organdar 7 155 020 qyzmet kórsetken. Onyń ishinde 155 158 qyzmet HQKO arqyly kórsetildi. Bul kórsetkish byltyrǵymen salystyrǵanda eki ese artyq. Bilim berý, densaýlyq saqtaý, áleýmettik qorǵaý salasynda qyzmet túrleri halyq arasynda eń kóp suranysqa ıe», - dedi Meıram Súıindikov.

Onyń aıtýynsha, 2015 jyldyń 8 aıy ishinde júrgizilgen monıtorıń boıynsha kórsetiletin qyzmetti keshiktirýdiń 87 deregi anyqtaldy. Osyǵan sáıkes 26 tulǵa tártiptik jazaǵa tartyldy. 10 eskertý jasalyp, 15 sógis jarıalandy.

Derekkkóz: QazAqparat