ASTANA. QazAqparat - QR Mádenıet jáne sport mınıstrliginiń tapsyrysy boıynsha ońtústikqazaqstandyq «Saq» kınostýdıasy Qazaq handyǵynyń negizin qalaýshy Kereı men Jánibek handarǵa arnalǵan «Qazaq eli» atty tolyq metrajdy anımasıalyq fılm túsirýde.
Bul týraly búgin QR Prezıdenti janyndaǵy Ortayq komýnıkasıalar qyzmetiniń oblystyq fılıalynda oblystyq mádenıet basqarmasy basshysynyń orynbasary Asylhan Temirhan málim etti, dep habarlady OQO ákiminiń baspasóz qyzmeti.
Onyń aıtýynsha, tolyq metrajdy fılmniń premerasy osy jyldyń 16 jeltoqsan kúni Astana qalasynda ótpek. Atalǵan fılmniń rejısery «Ońtústikfılm» mekemesiniń dırektory Batyrhan Dáýrenbekov.
Sondaı-aq, Ońtústik Qazaqstanda Qazaq handyǵynyń 550 jyldyǵyna oraı «Uly dala ósıeti» atty kitap jaryq kórdi. Baspasóz máslıhatynda basqarma basshysynyń orynbasary Qazaq handyǵynyń týy tigilgen - Taraz qalasynda ótetin mereıtoıǵa Ońtústik Qazaqstannan eki júzge jýyq delegat qatysatynyn aıtty. Aıtýly mereıtoı Taraz qalasynda qazannyń 7-9 kúnderi aralyǵynda Elbasy men sheteldik qonaqtardyń qatysýymen ótedi. «Bizden barǵan delegat músheleri merekelik sharada úsh kıiz úı tigip, jádigerlerden quralǵan júzden astam eksponattardy kórmege usynbaq. Sonymen qatar ońtústikqazaqstandyq óner maıtalmandary ánnen shashý shashyp, myń buralǵan bıshilerimiz bı bılemek. Ońtústik Qazaqstan oblysy Qazaq handyǵynyń 550 jyldyǵyna Taraz qalasyna tartýy retinde Ońtústik qaqpany qaıta quryp, eki barelef ornatty. Qaqpanyń tómengi qabatyn granıtpen, ekinshi qabaty travertınmen qaptaldy. Al kireberis jaǵyndaǵy joǵarǵy buryshtary barelefpen kórkemdelip, qaqpanyń eki jaq betine trotýar tóselip, abattandyrý jumystary jasaldy. «Qazaq handyǵynyń 550 jyldyǵyna oraı oblysta tarıhı-mádenı jáne ǵylymı konferensıalar syndy 75 is-shara ótti. Al, óńirdegi 8 kásibı teatrda osy dataǵa arnalǵan qoıylymdar qoıyldy», - dedi A.Temirhan.
"Qamshy" islteıdi
Derekkóz: QazAqparat
