QYZYLORDA. QazAqparat - Qyzylorda oblysynyń kásipkerler palatasy alańynda «Áleýmettik-eńbek qatystaryndaǵy medıasıa» taqyrybynda semınar-trenıng ótti,-dep habarlady palatanyń baspasóz qyzmetinen.
Aımaqtyń bıznes ókilderi qatysqan sharany BUU-nyń Damý baǵdarlamasy aıasynda «Atameken» Ulttyq kásipkerler palatasy uıymdastyrdy.

Medıator - bul sot júıesine jatpaıtyn jáne sot kómekshisi bolyp tabylmaıtyn kásibı deldal. Medıatorǵa janjaldardy retteýge azamattardyń ózderi júginedi. Ol óz kezeginde olardyń daýlaryn talqylaý barysynda taraptardy óz kezeginde sheshim tabýǵa kómektesedi.

 Aıta ketý kerek, Qyzylordada medıatorlyq ınstıtýt kenje damyǵan. Uıymdastyrýshylardyń sharany ótkizýdegi maqsaty aımaqta bitimgershilik ınstıtýtyn damytý úshin qyzylordalyqtardy keńinen aqparatpen qamtamasyz etý. Al Kásipkerler palatasynyń alańynda ótkizýdegi maqsat - bıznes ókilderiniń ózekti máselelerin sot prosesine deıin jetkizbeı, oń sheshilýine jaǵdaı jasaý bolyp tabylady.

   Shara barysynda:  Qazaqstandaǵy daýly máselelerdi sheshýdiń balamaly tásilderi; Bitimgerlik. Túsinik. Túrleri. Qoldaný aıasy; QR «Medıasıa týraly» Zańy;  Medıatorlardyń mártebesi. Kásibı jáne kásibı emes medıatorlar; Ujymdaǵy daýly jáne janjaldy máseleler. Daýly jáne janjaldy máselelerdi QR Eńbek Kodeksi aıasynda retteý; Janjaldy jaǵdaıdy basqarý. Medıatordyń quraldary: belsendi tyńdaý, saýal qoıa bilý sheberligi, alynǵan aqparatqa taldaý, aqparat alý úshin suhbattasa bilý; Basqarýshylardyń medıatorlyq quzyreti syndy máseleler talqylandy.

 Jalpy qurylǵan sátten bastap Kásipkerler palatasyna jergilikti bıznes ókilderinen quqyǵyn qorǵaý jóninde 243 ótinish túsken. Palaty qyzmetkerleriniń jasaǵan jumystarynyń negizinde 181 kásipkerdiń quqyǵy qalpyna keltirilip, 700 mln.teńgeden astam qarjysy ózderinde qalǵan. 

"Qamshy"silteıdi

Derekkóz: QazAqparat