PETROPAVL. QazAqparat - SQO-da lańkestiń týraly jalǵan qońyraý saldarynan Saýmalkól aýdandyq aýrýhanasynan 56 adam qaýipsiz jerge shyǵaryldy. Bul týraly oblystyq İİD baspasóz qyzmetinen habarlady.
«4 qazanda Aıyrtaý aýdany Saýmalkól aýdan ortalyǵyndaǵy medısınalyq jedel járdem qyzmetiniń «103» telefon nomerine belgisiz er adam qońyraý shalyp, jarylǵysh zat qoıylǵanyn habarlaǵan.

Dıspecher birden bul týraly Aıyrtaý aýdandyq İİB kezekshisine habarlady. AİİB, TJB, UQKDB qyzmetkerleri «Terem» qyzmettik ıtiniń kómegimen  Saýmalkól ortalyq aýdandyq aýrýhanasynyń ǵımaratyn tekserdi. 10 medısınalyq qyzmetker men emdelip jatqan 46 adam ýaqytsha qaýipsiz jerge shyǵaryldy», - delingen habarlamada.

Tergeý kezinde polıseıler buzaqylyq jasap, qońyraý shalǵan Konstantınovka aýylynyń 18 jastaǵy turǵynyn ustady.  

Atalǵan fakt boıynsha sot aldyndaǵy tergeý jumystary júrgizilip jatyr. Kúdikti ýaqytsha ustaý oqshaýlaǵyshyna qamaldy. Bul qylmys úshin 6 jylǵa deıin bas bostandyǵynan aıyrý jazasy qarastyrylǵan.

Jyl basynan jarylǵysh zat jóninde jalǵan habar berýdiń bul úshinshi oqıǵasy. Petropavl qalalyq sotynyń sheshimimen sáýir aıynyń basynda vokzalda jarylǵysh zat ornatyldy dep jalǵan habar bergen 32 jastaǵy oblys ortalyǵynyń turǵyny 3 jylǵa sottaldy.

"Qamshy" siltedi

Derekkóz: QazAqparat