ASTANA. QazAqparat - 8 qazanda saǵat 15.00-de Qazaq handyǵynyń 550 jyldyǵyna arnalǵan respýblıkalyq is-sharalar aıasynda Taraz qalasy M.H.Dýlatı atyndaǵy Taraz memlekettik ýnıversıtetiniń ǵımaratynda Qazaqstan halqy Assambleıasynyń «Uly dala eli» respýblıkalyq tarıhı-mádenı ekspedısıasyn qorytyndylaý boıynsha Halyqaralyq ǵylymı-tájirıbelik konferensıa ótedi.
Atalmysh is-sharaǵa QHA Tóraǵasynyń orynbasary - Hatshylyq meńgerýshisi, saıası ǵylymdar doktory Eraly Toǵjanov, Jambyl oblysynyń ákimi Kárim Kókirekbaev, Qazaq ulttyq óner ýnıversıteti Qorqyt Ata murasyn zerdeleý boıynsha ǵylymı-zertteý ortalyǵynyń dırektory, QHA ǵylymı-saraptamalyq keńesiniń múshesi, fılologıa ǵylymdarynyń doktory, profesor Myrzataı Joldasbekov, QHA músheleri, QHA ǵylymı-saraptamalyq keńesiniń músheleri, Qazaqstan men TMD elderiniń kórnekti tarıhshylary, qoǵam qaıratkerleri, etnomádenı birlestikterdiń ókilderi, QHA ekspedısıasynyń músheleri, jastar qatysady.
Forým aıasynda QHA «Ekspedısıa qatysýshylarynyń jazbalary» atty kúndelikter men biregeı muraǵattyq qujattar saltanatty túrde tabystalyp, QHA ǵylymı saraptamalyq keńesiniń múshesi, tarıh ǵylymdarynyń doktory Georgıı Kan men ál-Farabı atyndaǵy QazUÝ «Qazaqstan tarıhy» kafedrasynyń meńgerýshisi Talas Omarbekov ótkizetin QHA-nyń «Uly dala tarıhy» ǵylymı zertteýiniń tanystyrylymy bolady.
Forým qorytyndysy retinde onyń qatysýshylarynyń Memleket basshysy N.Á.Nazarbaevqa arnaǵan úndeýi qabyldanady.
Saǵat 14.00-ten 15.00-ke deıin M.H.Dýlatı atyndaǵy Taraz memlekettik ýnıversıtetiniń holynda QHA ekspedısıasynyń qorytyndysyna arnalǵan «Qazaq Eli tarıhy» kórmesi forým qatysýshylarynyń nazaryna usynylady.
8 qazanda saǵat 11.30-da M.H.Dýlatı atyndaǵy Taraz memlekettik ýnıversıtetiniń ǵımaratynda BAQ ókilderine arnalǵan «Uly Dala Eli» halyqaralyq forýmy týraly» baspasóz konferensıasy ótedi. Konferensıa spıkerleri: QHA Tóraǵasynyń orynbasary - Hatshylyq meńgerýshisi, saıasat ǵylymdarynyń doktory Eraly Toǵjanov, Jambyl oblysynyń ákimi Kárim Kókirekbaev, Qazaq ulttyq ýnıversıteti Qorqyt murasyn zertteý ǵylymı ortalyǵynyń dırektory, QHA Keńesiniń múshesi, fılologıa ǵylymdarynyń doktory, profesor - Myrzataı Joldasbekov, QR Prezıdenti janyndaǵy «Qoǵamdyq kelisim» RMM dırektory - Natalá Kalashnıkova.
Eske sala keteıik, «100 qadam» Ult josparynyń erejelerin iske asyrý maqsatynda Qazaqstan halqy Assambleıasy seriktestermen birlese otyryp, «Uly Dala eli» respýblıkalyq tarıhı-mádenı ekspedısıasyn uıymdastyrdy.
Ekspedısıa 2015 jylǵy 11 qyrkúıekte úsh qalada - Astana, Aqtaý, Pavlodar qalalarynda bir mezgilde bastaý alyp, 2015 jylǵy 9 qazanda Taraz qalasynda qorytyndylanady.
Derekkóz:QazAqparat
