Kóziqaraqty qaýymǵa «Egemen Qazaqstannyń» «etjeń­di» nómirlerinen jylma-jyl shyǵarylyp turatyn kitaptar jaqsy tanys. Jaqynda sol jınaqtardyń on tórtinshisi jaryq kórdi. 2014 jylǵy nómirlerden iriktelip alynǵan maqalalar men suhbattar oqyrmannyń oı-órisin keńeıtip, baǵaly da tyń aqparat beretindigimen qymbat. Jınaq «Egemen Qazaqstan» respýblıkalyq gazeti» aksıonerlik qoǵamynyń prezıdenti S.Abdrahmanovtyń shaǵyn alǵysózimen ashylǵan.
«Sol kezde máskeýlik ǵa­lym­dardyń biri Aǵyn Haırollaulyna tóbeden túskendeı: «Nelzá lı pokazat vlıanıe rýsskoı kúltýry na al-Farabı» depti… Mine, biz shybyndap bas ızegen máskeýlik fılosoftardyń shynaıy syqpyty osyndaı bolǵan».
Muhtar Qul-Muhammedtiń «Dara tulǵa» atty ǵumyrbaıandyq ocherkinde kórnekti ǵalym Shah­mardan Esenovtiń usynysymen qazaqstandyq farabıtanýshylar óz eńbekterin el astanasynda talqylatýǵa aparǵanda osyndaı sóz aıtylǵany baıandalǵan. Kezinde jylaǵyń keletin bul sózge qazir kúlkiń keledi.
Oqyrman qaýymǵa on tór­tinshi ret usynylyp otyrǵan «Etjeńdi» «Egemen Qazaqstan» jınaqtarynyń bul kitabynda da osyndaı taǵylymdy tolǵanysqa toly oıly dúnıeler barshylyq. «Myna bir derekterge júginip kóreıik. 2011 jyly álemde aǵylshyn tilinde 550 myń kitap jaryq kórgen eken. Bular jańa kitaptar men aýdarmalar. Iaǵnı, jańa oılar, jańa ıdeıalar. Saýatty bolamyn degen adamǵa kerekti jańa aqparat. Sol jyly orys tilinde 97 myń kitap basyp shyǵaryldy» – Erlan Saǵadıevtiń «Úsh tildi úırený – úlgi eter úrdis» atty maqalasyndaǵy bul joldarǵa túsinikteme berip jatý artyq, árıne. Akademık Seıit Qasqabasovtyń 100 tomdyq «Ba­balar sózi» basylymy jaıynda «Máńgilik eldiń máńgilik fólklory» taqyrybymen berilgen suhbattaǵy: «Ár tomnyń kólemi ortasha alǵanda 400 betten. Serıanyń jalpy kólemi 2540 baspa tabaq, ár baspa tabaq 16 betten eseptelgende munda shamamen 40640 bet bar eken. Ár baspa tabaqta 40 myń tańba bolatynyn eskersek, osy basylymdaǵy tańbalar sany … 101 mıllıon 600 myń tańba eken… Mundaǵy mátinderdi tek terip shyǵý úshin kompúter klavıatýralaryna saýsaqtar júz mıllıonnan artyq tıgeniniń ózi ǵajap emes pe?!» degen sózderge de qosyp-alarymyz bola qoımasa kerek.
«Etjeńdiniń» ózge de jı­naq­tary sıaqty, bul joly da siz kúnbe-kúngi qam-qareketti kúıtteıtin gazet tabıǵatynan sál de bolsa ózgesheleý jýrnalısıka jarıalanymdarymen júzdesesiz. Álibek Asqarovtyń «Marqakól-SHanaǵaty nemese Qazaqstannyń eń sýyq núktesine sapar» degen safarı jazbasy tógilgen tilimen de, mol málimetimen de, sýretkerlik baıqampazdyǵymen de tánti etedi. Qaısar Álimniń «Almatydan sońǵy attanysy» aıaýly azamat, asyl aǵa Sabyrjan Shúkirov ómiriniń sońǵy táýligin, Almatydan attanyp, Astanaǵa jete almaǵan kúıi úzilip ketken sátine deıin jan-júrekti tebirente sýretteıdi. Kezinde «Sosıalısik Qazaqstan» qalamgerleri úshin menshikti tilshiliktiń úırenerlik úzdik úlgisin kórsetip ketken júırik jýrnalıs, jaqsy jazýshy Baıjigit Ábdirazaqovtyń biregeı beınesin Janat Elshibek «Kesheden jetken ólmeıtin sóz» atty maqalasynda kelisti kesteleıdi. Sóz óneriniń sańlaǵyn ádemi áspetteýdiń jarasymdy kórinisin Ótegen Oralbaıulynyń ózi «Torǵaıdyń boztorǵaıy» dep ataǵan essesinen de tabamyz, onda Keńshilik Myrzabekov poe­zıasynyń syrly sulýlyǵy aıqara ashylǵan. Keshegi keńes­tik kezeńdegi «Qaırat» pen «Pah­takor» kezdeskende bar halyq­tyń demin ishine ala qalatyn kúnderin saǵynsańyz, Janbolat Aýpbaevtyń ózbek fýtbolynyń ańyzyna aınalǵan ataqty shabýyl­shy Berador Abdýraımovpen áń­gimesin («Stadıondaǵy suhbat») oqyńyz.
«Etjeńdi» nómirlerinde adam­dy tań-tamasha qaldyratyn fak­tiler, oqıǵalar da bolýy zańdy. Dál osy kúnderde, Batys Qa­zaqstan oblysynyń Kaztalov aýdanyndaǵy Saryózenniń Sa­qyrat túbeginde 32 jyldan beri ný qamysta japadan-jalǵyz ǵu­myr keship jatqan adamnyń bar ekenine bir tańdansańyz, sol Bý­harev Alekseı Mıhaılovıchtiń ulty qazaq ekenine eki tańdanasyz, sóıtip júrip rýynyń jappas eke­nin umytpaǵanyna úsh tańda­nasyz, sondyqtan da Serik Ju­ma­ǵalıevtiń maqalasy «HHİ ǵa­syrdyń «Robınzon Krýzosy» dep atalǵanyna onsha tańdanbaısyz.
Qysqasy, oıly sózdi izdep júretin oqyrmannyń bul kitaptan da ózine qajet qazynany molynan tabaryna senemiz biz.

Derekkóz: egemen Qazaqstan