Sybaılas jemqorlyqty tuzaqtaý únemi nazarda

    Darkhan Muqantegi
    Sybaılas jemqorlyqty tuzaqtaý únemi nazarda

    Keshe Memlekettik hatshy Gúlshara Ábdiqalyqovanyń tóraıymdyǵymen Qazaqstan Respýblıkasynyń Prezıdenti janyndaǵy Sybaılas jemqorlyqqa qarsy kúres máseleleri jónindegi komısıanyń otyrysy ótti.
    Otyrysta Ekonomıkalyq yn­ty­­maqtastyq jáne damý uıymy­nyń (EYDU) Sybaılas jemqor­lyqqa qarsy kúres jónin­degi is-qımylynyń Ystambul jos­­pary usynymdaryn oryndaý, sondaı-aq, memlekettik satyp alý rásimderin ótkizý kezinde sy­baı­las jemqorlyqtyń aldyn alý jóninde memlekettik organ­dardyń qolǵa alǵan sharalary talqylandy.
    Otyrys barysynda Mem­le­kettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary A.Shpekbaevtyń, Qarjy vı­se-mınıstri R.Beketaevtyń, «Atameken» ulttyq kásipkerler palatasy tóraǵasynyń orynba­sa­ry R.Júrsinovtiń esepteri tyń­daldy.
    G.Ábdiqalyqova óz sózinde sy­baılas jemqorlyqqa qarsy tetikterdiń tıimdiligi Qazaqstan Prezıdenti usynǵan, elimizdi jan-jaqty jańǵyrtýǵa baǵyttalǵan Ult josparyn tabysty iske asyrýdyń birden-bir sharty bolyp tabylatynyn atap ótti.
    Sybaılas jemqorlyqqa qar­sy nátıjeli is-qımyl jasaý barysynda jemqorlyqqa qarsy zańnamany halyqaralyq talaptardy eskere otyryp jetildirý isiniń erekshe mańyzy bar.
    Qazaqstan Respýblıkasy sy­baılas jemqorlyqqa qarsy ha­lyq­aralyq konvensıalarǵa qosylý, sondaı-aq, Ystambul is-qı­­myldar josparynyń usy­­nym­d­aryn oryndaý jónin­degi ju­mys­tardy júıeli túrde júzege asyryp keledi.
    Atalǵan usynymdardy oryn­daý­dyń mańyzdy strategıalyq máni bar, óıtkeni, Qazaqstan EYDU-ǵa múshe bolýdy josparlap otyr.
    Sondaı-aq, Memlekettik hatshy búginde memlekettik satyp alý salasy sybaılas jemqorlyq etek alǵan salalardyń biri bo­lyp otyrǵanyn aıtty. G.Áb­di­qa­lyqova qalyptasqan ahýal memle­kettik satyp alý salasynda sheshimder qabyldaýdyń aıqyn­dylyǵyn, onyń ishinde osy prosesterge qoǵamdyq baqylaýdy kúsheıtýdi jáne elektrondyq resýrstardyń múmkindikterin keńinen paıdalanýdy kózdeıtin qosymsha uıymdastyrýshylyq-quqyqtyq tetikter ázirleýdi qajet etetinin atap ótti.
    Otyrys qorytyndysy boıynsha komısıa memlekettik organdarǵa naqty usynymdar men tapsyrmalar berdi.

    Derekkóz: egemen Qazaqstan

    Qatysty Maqalalar

    Qarasha aıyndaǵy ataýly kúnder

    Qarasha aıyndaǵy ataýly kúnder

    15:00, 11 qarasha 2026