Elbasynyń Qazaqstan halqyna arnaǵan «Nurly jol – bolashaqqa bastar jol» Joldaýynda atap kórsetilgen ulttyq merekelerdiń biri – Qazaq handyǵynyń 550 jyldyq mereıtoıyn daıyndaý jáne ótkizý jónindegi 37 tarmaqtan turatyn óńirlik is-sharalar jospary jasaldy.
Oblys aýmaǵynda oblystyq tilderdi damytý basqarmasynyń uıymdastyrýymen «Tekti sózdiń tóresi – terme» jyrshy-termeshiler baıqaýy, Bıken Rımova atyndaǵy drama teatrynyń ujymy Abylaı hannyń ómirin beıneleıtin Q.Bekhojın­nyń «Ulan asý» tarıhı qoıylymy, T.Álipbaıdyń «Tomırıs» tarıhı-dramasyn kórsetti. Taldyq­orǵan qalasyndaǵy «Jastar» sport saraıynda Qazaqstan halqy assambleıa­synyń 20 jyldyǵy­nyń bastaý alý kúnine oraı, negizgi taqyryptyń biri retinde Qazaq handyǵy­nyń 550 jyldyǵy qamtylyp, kórnekti jerler mere­keniń arnaıy bekitilgen logotıpimen bezen­di­rildi. Oblystyq Bıken Rımova atyndaǵy drama teatrynyń artıseri, Jetisý Memlekettik ýnıversıteti men kolejder stýdentteri, Qa­zaq­stan halqy as­sam­bleıasy músheleri, qala tur­ǵyndarynan qural­ǵan 2000 adamnyń qaty­sýy­men «Qazaq handyǵynyń tarıhy», «Jeti jarǵy» tarıhı qoıylymdary kórsetildi. Bási bıik ortaq mere­kege oblys ónerpazdarymen qatar Qazaq­stan­nyń Eńbek sińirgen artısi Lakı Kesoglý, «Jigitter» toby qatysyp, joǵary deńgeıde uıymdas­ty­ryldy.
İ.Jansúgirov atyndaǵy Mádenıet saraıynda ótken Oblystyq mádenıet, muraǵattar jáne qu­jattama basqarmasy men Oblystyq áskerı komısarıattyń uıymdastyrýymen Uly Jeńis­tiń 70 jyldyǵyna arnalǵan «70 juldyzdy kún» aksıasynyń bastaý alý sharasyna qatysqan UOS ardagerleri men tyl eńbekkerlerine, áske­rı bólimder sarbazdary men qala jastaryna Qazaq handyǵynyń 550 jyldyǵyna arnalǵan beınebaıanda erlik pen eldiktiń tarıhynan syr shertilip, taqyryptyq ánder oryndaldy.
Qazaq handyǵynyń 550 jyldyǵy aıasynda Oblys ákiminiń qatysýymen «Jastar» saıabaǵyna kók shyrsha, Tán-SHan shyrshasy, qaraǵaı­lar­dyń 200 túpten astam jas kóshetteri otyrǵy­zyldy. Qarasaı aýdanynda zıaly qaýym ókilderi men jastardyń qatysýymen «Bizdiń tarıhymyz birigý tarıhy» taqyrybynda ǵylymı konferen­sıa­sy uıymdastyrylsa, Taldyqorǵan qalasyn­da «Máńgilik El», Panfılov aýdanynda «Qazaq eli» aqyndar aıtysy joǵary deńgeıde ótkizildi.
Astana qalasyndaǵy Óner akademıasynyń Jambyl zalynda Súıinbaı Aronulynyń 200 jyldyǵyna arnalǵan Halyqaralyq Túrki akademıasy, Almaty oblysynyń ákimdigi, «Nur Otan» partıasy, QR Mádenıet mınıstrliginiń birlesip uıymdastyrýymen «Alataýdyń aqıyǵy» atty halyqaralyq rýhanı-tanymdyq konfe­rensıa ótkizildi. 
Qazaq handyǵynyń 550 jyldyǵyna oraı Astana qalasyndaǵy «Barys» saraıynda Elba­synyń «Tarıh tolqynynda» atty kitabynyń jeli­simen ótken gala-konsertte Súıinbaı Aron­ulynyń 200 jyldyǵy keńinen qamtyldy. 
Jambyl aýdandyq mádenıet jáne tilderdi damytý bólimi tarapynan jyl basynan S.Aron­ulynyń 200 jyldyǵyna oraı «Aqıyq aqyn» atty is-sharalar jospary bekitilip, tıisti meke­melerge taratyldy. Josparǵa sáıkes, aýdandyq bilim bóliminiń uıymdastyrýymen «Aıtystyń – altyn dińgegi» atty oqýshylar arasynda aqyn­nyń ómiri men shyǵarmashylyǵyna negizdelgen kezdesýler men tárbıe saǵattary ótkizildi. «Jyr súleıi Súıinbaı» atty oqýshylar arasynda tanym­dyq kesh, «Aldaspan jyrdyń alyby» ta­qy­rybynda shyǵarmalar baıqaýy uıymdasty­ryldy. «Jambyl aýdany – aqyndar men batyr­lar eli» taqyrybynda aqparattyq-nasıhat toptarymen birlesken sharalar ótkizildi. Almaty qalasyndaǵy Jazýshylar odaǵynda jáne Súıin­baı atyndaǵy gımnazıa mektebinde ádebı-ta­nym­dyq konferensıa ótkizildi. Konferen­sıaǵa Súıinbaı murajaıynyń kóshpeli kórmesi qoıylyp, aýdannyń aqyn-jazýshylary men delegasıa músheleri qatysty. Konferensıa sońy aýdandyq «Súıinbaı sazy» halyqtyq, fólklorlyq-etnografıalyq ansambliniń konserttik baǵdarlamasymen jalǵasty. 
Taldyqorǵan qalasyndaǵy Kórkemóner galereıasynda «Qazaq handyǵynyń shejiresi» atty oblystyq kásipqoı sýretshiler men qolóner sheberleriniń týyndylarynan jınaqtalǵan kórme ótkizildi. Eldik pen erlikti pash etken kórmege 20 sýretshiniń 40-tan astam shyǵarmalary kórermender nazaryna usynylyp, kásibı ma­man­dardan quralǵan ádilqazylar alqasy jeńim­pazdardy anyqtady. Birinshi oryndy «Kereı men Jánibek» týyndysynyń avtory, talantty jas sýretshi S.Sársenbaeva, ekinshi oryndy «Qadyrǵalı Jalaıyr» portreti úshin tanymal sýretshi A.Beısenbetov ıelense, qazylar qura­mynyń sheshimimen júldeli úshinshi oryn qyl­qalam sheberleri D.Ótelbaeva men B.Ahmetov­terge bólinip berildi. 
Jyl saıyn dástúrli túrde uıymdastyry­latyn aýdan, qalalardyń mádenıet kúnderinde «Qazaq handyǵy – Máńgilik eldiń bastaýy» taqyrybynda teatrlandyrylǵan qoıylymdar kórsetildi. Bıyl aýdan-qala mádenıet kúnderi Almaty jáne Taldyqorǵan aýmaǵy boıynsha eki baǵytta atqaryldy.
Jambyl oblysyndaǵy arnaıy belgilengen jerlerge jetisýlyqtar atynan fólklorlyq-etno­grafıalyq ansámblder men kásibı óner ujymdarynyń konserttik baǵdarlamalary, qol­óner sheberleriniń kórmeleri uıymdasty­ryldy. 

Derekkóz: Aıqyn-aqparat