Tirshiliginde Muqaǵalı men belgili aqyn Erkin İbitanov ekeýi dos bolǵany belgili. Erekeń Muqaǵalı aǵasy týraly «Han-Táńiri qaıdasyń" atty dastan jazǵan. Muqań da Erkindi óziniń poezıasynyń «qoryqshysy» sanaǵan. Ol týraly óleńderi bar.
... Birde aýylda Qarasýdyń jaǵasynda ekeýi áńgimelesip otyryp, Qarasaz aýylynyń bolashaq esimi kimniń atynda bolýy kerek, degen suraqqa jaýap izdeıdi. Erekeń bolashaqta Qarasaz aýyly Muqaǵalı aýyly bolatynyna birden senim bildiredi. Ol: «Maǵan aýdannyń aty berilse, jetip jatyr» degen eken rızashylyqpen.
9-aqpan – Muqaǵalıdiń týǵan kúni. Osyǵan oraı tómendegi balladany joldap otyrmyn. Avtor
Erkin İbitanov aýdany nemese Muqaǵalı men Erkin týraly ballada
Qarasaz, Qarasýdyń jaǵasynda,
Qos aqyn syr shertisken jarasýda.
Alady aldyndaǵy ashshy dámnen,
Jyr oqyp, ázildeser arasynda.
Ór Muqań erkeletip Er inisin,
Deıdi ol «aýyldaǵy «kórinisim».
Menen de sen myqtysyń shynymen de,
Turǵam joq aıtyp qury kóńil úshin.
Minez bar jarasatyn shyn darynǵa,
Ataqty, mansap-taqty qýmadyń da.
Sýsasam sulýlyqqa seni oqımyn,
Surapyl sezim jatar jyrlaryńda.
Aıtqandaı, ustazym da sen emes pe eń,
Baıaǵy sát saparyń, óleń este.
Maqtapsyń Álekeńe, Álnur aǵam,
Oń qabaq tanytady maǵan áste.
Shóldesem tartyp ketem, Ál aǵama,
Qaraıdy balasyndaı maǵan ol da.
Senderdiń senimderiń qanat berer,
Kóp dushpan «ıtke» meni balaǵanda.
Súıeıdi Han-Táńirim, qarly-shyńdar,
Bárińe deımin ishteı alǵysym bar.
Emdelem osynda kep syrqatymnan,
Kezderde nadandardan jan qysylǵan.
Jan uqpas bir ǵajaıyp kúıge enemin,
Jaramnyń tabamdaǵy birden emin.
Aspandap Almatyma qaıta oralam,
Senderden asqaqtyqty úırenemin.
Ájemniń shálisindeı jelbiregen,
Aqsha bult qol bulǵaıtyn sol bir Óleń,
Qarasý, bozqaraǵan, Elshenbúırek,
Janymdaı meniń názik móldirgen.
Qarasaz qasıettim Mekkedeıin,
Saǵynysh jyryn tóger ot kómeıim.
Kóz jumsam kólbeńdeıdi saǵym dalam,
Han-Táńirdi túsimde kóp kóremin.
Sodan da bıikterge bettegenim.
Erkin-aý, jıi tasyr qan qysymym,
(Ózińe shyn kóńilden alǵys inim),
Topyraq ózderińnen buıyrsa eken,
Aıtqandaı, qaıda Ábdike «sary pushyǵym».
Ardaqta sol aǵańdy perishte jan,
(Sol meniń balalyǵym alystaǵan).
Jetimdermiz jetilgen, jylaı júrip,
Táńirim-ǵoı meni oǵan tabystaǵan.
Kezder az, qaryn toıyp nan ustaǵan,
Sol shaqtar alys emes, tanys saǵan.
Jetimdermiz Namyspen jetilgenbiz,
Jibermegen esesin,[U1] qalyspaǵan.
Jetildik, aqyn boldyq jurtqa áıgili,
Jamadyq janymyzǵa «bult» qaıǵyny.
Sábı bolǵym keledi keı sátterde,
Kóńilinde bolmaıtyn quıttaı muńy.
Aýzynda alty Alashtyń júr esimim,
Jyr jazý ─ óz-ózińmen kúresýiń.
Janǵa lázzat, alaıda bireýlerdiń,
Jaralaıdy ósegi, tiresýi.
Dıýy Qarasazdyń, alyp kúshiń,
«Qoıshylar» talanttyńdy tanytty shyn.
Erkin-aý, «Aqqýym da» arnaǵam jyr,
Sen meniń jyrlaryma qoryqshysyń.
Erkin-aý, umytpaǵyn osy kúndi,
Jasarsyń qasyńa aıbat, dosyńa úlgi.
Kórersiń men ómirden ótkennen soń,
Qarasazǵa beredi esimimdi.
Amal ne, aýyl jalǵyz, sen de ulysyń,
Oıymnyń túpki astaryn sezdi me ishiń.
Qarsylyq tanytatyn oıyń bar ma,
Syryńnyń bilsem deımin endigisin.
Tulparsyń men sekildi sirá, dara,
Jyryńa qol soǵamyn, qýana da.
Aýylyn Almatyǵa almastyrǵan,
Syılarsyń Qarasazdy bul aǵańa».
... Erekeń jaıdarlana kúlimdedi,
Ǵajaıyp bul júzdesý búgin dedi.
Qarasaz ol Sizdiki, túsinseńiz,
Armany odan bıik inińdegi.
Qýanam nıetińniń aýǵanyna,
Daý joq, Muqa, jetesiń armanyńa.
Muqaǵalı aýyly kórkeıedi,
İbitanov Erkiniń aýdanynda...
Serikjan QAJI
