كاسپيي تەڭىزىنىڭ ايدىنىنداعى براكونەرلىك ءىس-قيمىلدى اۋىزدىقتاپ، ونىڭ بايلىعىن ساقتاۋعا ارنالعان ارنايى بىرىككەن جەدەل-ساۋىقتىرۋ ءىس-شارا جالعاسۋ ۇستىندە. بۇل تۋرالى ق ر ۇقك شق باسپا ءسوز قىزمەتى حابارلادى. وتكەن تاۋلىك ىشىندە «جاعالاۋ كۇزەتى» مەن «باتىس» وڭىرلىك باسقارمالارىنىڭ شەكاراشىلارى قازاقستان مەن رەسەيدىڭ ءبىرقاتار ازاماتىن ۇستادى. ناتيجەسىندە باعالى بالىقتار مەن اۋلاۋ قۇرالدارى تاركىلەندى. اتاپ ايتقاندا، «جاعالاۋ كۇزەتى» وڭىرلىك باسقارماسىنىڭ شەكاراشىلارى قازاقستان ازاماتىن ۇستادى. ودان 36 دانا بەكىرە تۇقىمداس بالىق، سونداي-اق 3 ءجۇزۋ قۇرالى – 2 «كازانكا» مەن 1 رەزينا قايىعى، سونداي-اق 11000 مەتر تور، 1000 قارماق، 300 مەتر قۇرال-جابدىقتار تاركىلەندى. وسى كۇنى «باتىس» وڭىرلىك باسقارماسىنىڭ شەكاراشىلارى رەسەي فەدەراسياسىنىڭ ازاماتىن ۇستادى، ودان 423 دانا سازان تاركىلەندى.