كواۋيلا شتاتىنىڭ توررەون قالاسىنان مەكسيكا استاناسىنا بەت العان ۇشاقتىڭ بورتىنان جىلان تابىلدى، دەپ حابارلايدى Baq.kz. بۇل تۋرالى اۋە تاسىمالداۋشىنىڭ حابارلاماسىندا ايتىلعان.
ابىروي بولعاندا، جۇرتتىڭ زارەسىن العان جىلان ۋلى ەمەس ەكەن. ۇشاق بورتىنداعى جولاۋشىلاردىڭ ەشقايسىسى زارداپ شەككەن جوق. ۆەتەرينارلىق باقىلاۋ قىزمەتىنىڭ مالىمەتىنشە، باۋىرىمەن جورعالاۋشى مەكسيكانىڭ سولتۇستىگىن مەكەندەيتىن تۇرلەردىڭ بىرىنە جاتادى ەكەن.
«جەرگىلىكتى بيلىكپەن بىرگە جىلاننىڭ بورتقا قالاي كەلگەنىن انىقتاپ جاتىرمىز. ول سالونعا ءوزى كىرىپ كەتكەن بولۋى مۇمكىن نەمەسە ونى جولاۋشىلاردىڭ ءبىرى قول جۇگىمەن الىپ ءوتتى»، - دەپ اتاپ ءوتتى Aeromexico كومپانياسىنان.
