جازداعى تەررورلىق اكتەن كەيىن جۇرگىزىلگەن تەكسەرىستەر ناتيجەسىندە شابۋىل جاساعان تەرروريستەردىڭ ءبىر دە بىرەۋى تۇراقتى، نە ۋاقىتشا تىركەلۋدە تۇرماعاندىعى بەلگىلى بولعان. اقتوبە وبلىسىنىڭ كوشى-قون پوليسيا باسقارماسىنىڭ باستىعى وسىلاي دەپ مالىمەت بەردى. سونىمەن بىرگە ءتارتىپ ساقشىلارىن قالا ماڭىنداعى ساياجايلار دا الاڭداتادى. ويتكەنى سوڭعى ساناق كەزىندە وسى ساياجاي تۇرعىندارىنىڭ وتىز مىڭنان استامى مۇلدەم ەسەپتە جوق بولىپ شىققان دەپ حابارلايدى 31.kz.

قازاقستاندىقتاردىڭ پىكىرىن ەكىگە جارعان ۋاقىتشا تىركەۋ تۋرالى زاڭ بويىنشا اقتوبەنىڭ ءتارتىپ ساقشىلارى العاشقى تەكسەرۋدى باستادى. نازار - ادەتتە تۇراقتى تىركەۋدە بولا بەرمەيتىن ساياجاي تۇرعىندارىندا. الايدا باۋ-باقشا كووپەراتيۆىندەگىلەردى داۋ تۋدىرعان تىركەۋ ماسەلەسىنەن گورى، تۇرمىستىڭ تاۋقىمەتى كوبىرەك الاڭداتاتىن سىڭايلى. قالانىڭ شەتىندە تۇرسا دا وتىن، سۋ، جارىق، جولدان ادا بولىپ وتىرعان تۇرعىنداردىڭ ايتار نازدارى كوپ. ماسەلەن مىنا تۇرعىن تىركەۋدى تەكسەرىپ كەلگەن پوليسەيلەرگە وتىننىڭ جوعىن ايتىپ، جىلادى.

سامال بيجانوۆا، تۇرعىن:

-   كومەك كەرەك ۆووبششە. وتىن جوق، مىنە. بالالارىم تاڭەرتەڭ تۇرعاندا ساپ - سالقىن بولىپ تۇرادى. جىلاعانىن كوبىرەك بەر، جانار

پوليسەيلەردىڭ ساناقتى باۋ-باقشا ۋچاسكەلەرىنەن باستاۋى ونداعى كوپ تۇرعىننىڭ تىركەۋدە بولماي شىققانى سەبەپ-تى. دەگەنمەن بۇگىندە سول انىقتالعان تىركەۋدە جوق 33 000 تۇرعىننىڭ 4000-ىن ءالى تابا الماي وتىرمىز دەيدى. ال ناۋقان باستالعالى بەرى وبلىس بويىنشا 750 تۇرعىن ۋاقىتشا تىركەۋگە تۇرعان. ونىڭ 685ء-ى قالانىڭ ەنشىسىندە ەكەن.

نۇربولات حايرۋللين، اقتوبە وبلىسى ىشكى ىستەر دەپارتامەنتى كوشى-قون پوليسيا باسقارماسى باستىعىنىڭ ورىنباسارى:

- سەبەبى، تەكسەرىس بارىسىندا ازاماتتاردىڭ اتى-جوندەرىن تولىق ايتپاۋى، تۋعان جىلدارىن دۇرىس كورسەتپەۋ، سول سەبەپتى ورتالىق دەرەك قوردان تەكسەرۋگە مۇمكىنشىلىك بولماي وتىر.

سونىمەن قاتار پوليسەيلەر تۇرعىندار ساياجايداعى ۇيلەردى تۇراقتى باسپاناعا اينالدىرعاندارى ءۇشىن ولارعا قۇجاتتاردى راسىمدەۋگە اسىقپايتىنىن دا ايتادى. سونىڭ سالدارىنان تىركەۋگە تۇرا المايدى. ال ءقازىر شەتتەن كوشىپ كەلەتىندەر دە وسى ساياجايداعى رەتسىز سالىنعان ۇيلەر مەن تىركەۋسىز تۇرعىنداردىڭ سانىن كوبەيتىپ وتىر دەيدى. ماسەلەن اقتوبە قالاسىنىڭ وزىندە 400-دەن اسا ساياجاي ءماسسيۆى بولسا، الماتى قالاسىنىڭ ءبىر عانا كازسيك اۋلىندا 30-عا جۋىق، ال سەمەيدىڭ «ۆوستوچنىيىندا» 15 ساياجاي ءماسسيۆى بار. ياعني، بۇل - جالپى رەسپۋبليكالىق ماسەلە.