پرەزيدەنت اكىمشىلىگى باسشىسىنىڭ بۇرىنعى ورىنباسارى باعلان مايلىبايەۆ قاماۋعا الىندى. بۇل تۋرالى «قامشى» پورتالى «سەنترازياعا» سىلتەمە جاساپ حابارلايدى.

باسىلىمعا استاناداعى دەرەككوزدىڭ حابارلاۋىنشا، جۇما كۇنى قۇقىق قورعاۋشى ورگاندار باعلان مايلىبايەۆتى قاماۋعا العان. بۇعان قاتىستى رەسمي تۇسىنىكتەمە الۋ مۇمكىن بولماعان. مايلىبايەۆ جۇمادان بەرى تەلەفون قوڭىراۋلارىنا جاۋاپ بەرمەيدى.

باعلان مايلىبايەۆ 1975 جىلى دۇنيەگە كەلگەن، زاڭ عىلىمدارىنىڭ دوكتورى.

2002 جىلدان باستاپ مادەنيەت مينيسترلىگىنىڭ ب ا ق دەپارتامەنتى ديرەكتورى،  «كازاحستانسكايا پراۆدا» اق پرەزيدەنتى، «زاڭ» اك پرەزيدەنتى، قازاقستان پرەزيدەنتىنىڭ باسپا ءسوز قىزمەتى باسشىسى، قازاقستان پرەزيدەنتى باسپا ءسوز حاتشىسى قىزمەتتەرىن اتقارعان.

مايلىبايەۆ پرەزيدەنت اكىمشىلىگىنىڭ بۇرىنعى باسشى ورىنباسارى قىزمەتىندە التى جىل بويى بولعان.

12 قاڭتار كۇنى ول پرەزيدەنتتىڭ جارلىعىمەن قىزمەتىنەن بوساتىلدى. ورنىنا رەسەيدە ەلشىلىك قىزمەت اتقارعان مارات ءتاجين تاعايىندالعان ەدى. 

ايتا كەتەر بولساق، قىزمەتىنەن بوساتىلعانىنا بىرنەشە كۇن وتسە دە، باعلان اساۋباي ۇلى اقوردا سايتىندا ءالى دە پرەزيدەنت اكىمشىلىگى باسشىسى ورىنباسارى رەتىندە جازىلىپ تۇر.