ءقازىر بايقاساڭىز، اركىم ءبىر دۇنيەمەن كۇرەسىپ ءجۇر. بىرەۋ تەكسىزدىكپەن، بىرەۋ تەكتىلىكپەن، بىرەۋ دىنسىزدىكپەن، بىرەۋ دىنشىلدىكپەن، بىرەۋ قۇنسىزدىقپەن، بىرەۋ قۇندىلىقپەن كۇرەسىپ اۋرە. نەگە اۋرە؟ قور بولىپ بەكەر ءوتىپ جاتقان ءومىر دەسەي. ولاي دەيتىنىمىز بەرەكەسى جوق جالعاننىڭ جالعانشىلارىنا ايعايشى بولىپ، توبىر كوبەيتكەننەن باسقا تۇك شارۋا ءبىترىپ جاتقان جوق سياقتىمىز. ەش ىسىمىزدە بەرەكە جوق، نە ورتاق يدەيا جوق. ءبارى بىلگىش. ءبارى عۇلاما.  مىناۋ جابايى وركەنيەتتى قوعامنان ءبىر مي اققان جاندى كورسەڭ كوزىڭ شىقسىن. شەتىمىزدەن ءبارىن ءبىلىپ تۇرعان زالىمبىز. نە كەرەك بۇگىنگى تىرىلىگىمىزگە قاراپ وسىنداي شەشىمگە كەلمەسكە امالىڭىز جوق.

ءجا، ايتپاقشى بولعان تاقىرىپقا ورالساق. ياعني كەيىمەۋ ەرەجەسى.

    ەركەك بولعاسىن وزگە جىنىستىنىڭ ءمىنىن تەز كورگىشپىز عوي. تاسادا تۇرىپ تاس لاقتىرۋعا ىڭعايلى ينتەرنەت ايدىنىندا، ءبىراز جىگىتتەردىڭ وزگە جۇرتقا كەتكەن قىزدار تۋرالى ءىشى اشىپ جازعان ءبىر تالاي ماقالا، پىكىر،  سول سياقتى دايەكتەمەلەرىن كەزدەستىرىپ جاتامىز. اراسىندا كەيبىر ايەل زاتى دا بار. ءبارى دۇرىس، ءبارى شىندىق. ءبىراق سول نيەتتەس، پىكىرلەس باۋىرلارىما ايتارىم – ەشقانداي دا  جۇيكەلەرىڭىزدى توزدىرىپ، قۇسالانا بەرمەڭىزدەر دەر ەدىم. قۇداي ءناسىپ ەتپەگەندى پەندە تاۋىپ بەرە الاما. ايتايىن دەگەنىم، اللانىڭ ءوز ەرەجەسىنە سالساق، زيناقور ەركەككە، زيناقور ايەلدى. پاك ەركەككە، پاك ايەلدى قوسامىز دەگەن زاڭدىلىعىنا ساي، وسى  ءبىزدىڭ ءىشىمىزدى اشىتىپ جۇرگەن قىزدىر «لايىقتى» بايىن، ماڭدايىنا جازعان «جۇبىن» تاۋىپ كەتىپ جاتقان جوق پا ەكەن. ياعني، ول قازاقتىڭ قىزى بولسا دا، ونىڭ دۇنيە تانىمى، ۇستانىمى، قىزىعۋشىلىعى، قىلاياعى تاماعى سول كاپىري جۇرتتان بولسا، ونىڭ ۇستىنە اتا-اناسى ونى سوعان لايىقتاپ وسىرسە بولماسا شەكتەمەسە، بولماسا جولىنا تۇرا الماسا، جانىڭ اشىعان سەنىڭ ءسوزىڭنىڭ ولارعا قۇنى قانشا. ال، مىنا جاقتا جاتىپ الىپ وكىنىپ، وپىق جەگەننەن قازاقتىڭ كىساپىر نيەتتى قىزىنىڭ ميىنا قان جۇگىرە قالا ما. بىلە-بىلسەڭ قازاق ۇلكەن حالىق، جالپى سانىمىز ون بەس ميلليوننان اسىپ جىعىلادى. سوندا ويلاڭىزشى، ىشىنەن ءجۇز مىڭ، جارايدى، كوپ دەسەڭىز ون مىڭ دەيىك، ءتىپتى مىڭ شىرىك جۇمىرتقا شىقپايدى دەۋگە بولا ما. تاس عاسىردى قانشا كەلەكە ەتسەك تە، بەتون عاسىردا جوعالتقانىمىز وراسان. ايتقان دۇرىس، جازعان دۇرىس. ءبىراق ءسوز تۇگىل ءوز تۋعان شاقالاعىن تاستاپ جاتقان «ادامعا» ءسوزىمدى المادىڭ، ءسوزىمدى جەتىم قالدىردىڭ دەپ كىنا تاعا الاسىز با؟ ءيا، باۋىرىم، حال-جاعدايىن حالقىمنىڭ جاقسى تۇسىنەمىن. نيەتتەس ۇعىلانداردىڭ دا كوپ ەكەنىن دە جاقسى بىلەمىن. تەك سابىر، اباي ايتپاقشى «ساپ، ساپ ءقوڭىلىم، ساپ كوڭىلىم» دەگەندەي كەتكەن قىز كەتسىن. كەيىگەننەن بىرەۋدىڭ ءبىر جەرى كەڭي مە. ءىشى ارسىز انادان قانداي ۇرپاق تۋماق. سولاي ساتقىندىققا بەيىم ادامنان قاي ءبىر وڭعان بالا وربىمەك. شىرىك جۇمىرتقادان بالاپان شىققانىن كورگەن جان بار ما؟ تەكسىزدىك قاسىرەتىن ءوز ەلىنە جاياتىن ونداي ارام ءشوپتىڭ بولعانىنان جوعالعانى، جۇرگەنىنەن كەتكەنى جاقسى. ءبىراق مىنانى ۇمىتپاسىن اركىم! ءوز ەلىنە كۇڭ بولا الماعان قىز، بىرەۋدىڭ ەلىنە حانشا بولا المايدى. ال، ءوز ەلىندە حانشا بولعان قىز، بىرەۋدىڭ ەلىنە كۇڭ بولعىسى كەلمەيدى. وزگە جۇرتقا كەتكەنىڭ، سول ەلگە كۇڭ بولعاننان باسقا نە؟ ءتىل الماعانعا، قاسارىسقانعا، كوكبەتتەنگەنگە تەرىس باتا بەرسە بولدى. اسسا كەتە بەرسىن!

14.01.2017 جىل