پرەزيدەنتتىڭ باسپا ءسوز قىزمەتى "نۇرسۇلتان نازاربايەۆ ابۋ-دابي قالاسىنا كەلدى"، دەپ حابارلادى.

ساپار اياسىندا قازاقستان پرەزيدەنتىنىڭ بىرىككەن اراب امىرلىكتەرىنىڭ مەملەكەت قايراتكەرلەرىمەن، ىسكەر توپ وكىلدەرىمەن ءبىرقاتار كەلىسسوزدەرى، اتاپ ايتقاندا، نۇرسۇلتان نازاربايەۆ ابۋ-دابي امىرلىگىنىڭ تاق مۇراگەرى، ءباا قارۋلى كۇشتەرى جوعارعى باس قولباسشىسىنىڭ ورىنباسارى، شەيح مۇحاممەد بەن زايد ءال ناھايانمەن كەزدەسەدى. سونداي-اق ح دۇنيەجۇزىلىك «بولاشاقتىڭ ەنەرگياسى» ءسامميتىنىڭ جۇمىسىنا قاتىسۋى جوسپارلانعان.

ايتا كەتەر بولساق، مەملەكەت باسشىسى ءابۋ-دابيدىڭ تاق مۇراگەرى، بىرىككەن اراب امىرلىكتەرى قارۋلى كۇشتەرىنىڭ جوعارعى باس قولباسشىسىنىڭ ورىنباسارى مۇحاممەد بەن زايد ءال ناھايانمەن بىرنەشە اي عانا بۇرىن، 21 قازاندا كەزدەسكەن ەدى.

قازاقستان رەسپۋبليكاسى مەن بىرىككەن اراب امىرلىكتەرى اراسىنداعى ديپلوماتيالىق قاتىناستار 1992 جىلعى 1 قازاندا ورنادى. قر-نىڭ باا-دەگى ەلشىلىگى 2006 جىلدىڭ قىركۇيەك ايىندا اشىلدى. 2013 جىلعى قازان ايىنان باستاپ قر-نىڭ باا-دەگى توتەنشە جانە وكىلەتتى ەلشىسى – قايرات قايىربەك ۇلى لاما شاريف.

ءباا-نىڭ استاناداعى ەلشىلىگى 2005 جىلدىڭ قازان ايىنان باستاپ جۇمىس ىستەيدى. 2013 جىلدىڭ ءساۋىر ايىنان باستاپ ءباا-نىڭ قر-داعى توتەنشە جانە وكىلەتتى ەلشىسى سۋحەيل ماتار ال-كيتبي بولىپ تابىلادى. دۋباي قالاسىنداعى ق ر باس كونسۋلدىعى 1997 جىلدان بەرى جۇمىس ىستەيدى.

قازاقستان مەن ءباا اراسىنداعى قاتىناستار ءوزارا تۇسىنىستىك جانە سەنىم اتموسفەراسىندا دامىپ كەلەدى. بۇل جوعارى جانە باسقا دا دەڭگەيلەردەگى بايلانىستاردىڭ وڭ دامۋ سەرپىنىمەن نىعايتىلۋدا. ق ر پرەزيدەنتى ن.ءا.نازاربايەۆتىڭ باا-نە رەسمي جانە جۇمىس ساپارلارى (1998، 2000، 2004، 2005، 2006، 2008، 2009، 2010، 2011، 2012 جانە 2013 جج.)، سونداي-اق ءباا-نىڭ پرەزيدەنتى شەيح حاليفا بەن زايد ءال ناحاياننىڭ قر-نا جەكە ساپارلارى (2004، 2006، 2007، 2009، 2010، 2011، 2012 جانە 2013 جج.) ناتيجەسىندە ەكىجاقتى قاتىناستاردىڭ بەرىك نەگىزى قالاندى.

ەكىجاقتى مادەني-گۋمانيتارلىق قاتىناستار جالپى ۇدەمەلى دامۋدا جانە ونىڭ اياسىنىڭ تۇراقتى كەڭەيۋ بەتالىسى بار. 2009 جىلى ناۋرىزدا ەلباسىنىڭ باا-نە رەسمي ساپارى شەڭبەرىندە قر-نىڭ باا-دەگى مادەنيەت كۇندەرى ءوتتى. 2010 جىلى مامىردا استانادا ءباا-نىڭ مادەنيەت كۇندەرى وتكىزىلدى. امىرلىكتەر قازاقستاندى ورتالىق ازيا وڭىرىندەگى بەيبىتشىلىك پەن تۇراقتىلىقتىڭ قورعانى، ەتنوسارالىق جانە كونفەسسياارالىق كەلىسىمنىڭ ۇلگىسى دەپ قاراستىرادى. ءباا دەلەگاسياسى الەمدىك جانە ءداستۇرلى دىندەر ليدەرلەرىنىڭ ەكىنشى (12-13 قىركۇيەك 2006 ج.)، ءۇشىنشى (1-2 شىلدە 2009 ج.) جانە ءتورتىنشى (30-31 مامىر 2012 ج.) سەزدەرىنە قاتىستى. ءابۋ دابي تاق مۇراگەرى، ءباا قارۋلى كۇشتەرى جوعارى باس قولباسشىسىنىڭ ورىنباسارى شەيح مۇحاممەد بەن زايد ءال ناحايان 2011 جىلعى 30 قاڭتاردا استانا قالاسىندا 7ء-شى قىسقى ازيا ويىندارىنىڭ سالتاناتتى اشىلۋ راسىمىنە قاتىستى.

2014 جىلعى 30 ساۋىردە ءابۋ دابيدە حالىقارالىق كىتاپ كورمەسى شەڭبەرىندە العاش رەت اراب تىلىندە باسىلعان «نۇرسۇلتان نازاربايەۆ: قازاقستان رەسپۋبليكاسى تۇڭعىش پرەزيدەنتىنىڭ ءومىربايانى» كىتابىنىڭ تۇساۋكەسەرى ۇيىمداستىرىلدى.