سەرىك ساپييەۆ ۋنيۆەرسياداعا ارنايى سالىنعان اتلەتيكالىق قالاشىقتىڭ اكىمى بولىپ تاعايىندالدى دەپ حابارلايدى ۋنيۆەرسيادا باسپا ءسوز قىزمەتى.

ديرەكسيا ماماندارىنىڭ ايتۋىنشا، اكىمنىڭ مىندەتىنە شەت ەلدەن كەلگەن دەلەگاسيانى قارسى الۋ ءارى سالتاناتتى شارالاردىڭ اشىلۋى مەن جالاۋلاردى كوتەرۋ راسىمدەرىنە قاتىسۋ كىرەدى.

«اتلەتيكا قالاشىعىنىڭ اكىمى بولۋ جانە مىناداي اۋقىمدى سپورت شاراسىنا ارالاسۋ – مەن ءۇشىن ۇلكەن مارتەبە، جاۋاپتى مىندەت. جاقىندا الماتىعا ۋنيۆەرسياداعا قاتىسۋ ءۇشىن قوناقتار كەلە باستايدى. الەمنىڭ ءار تۇكپىرىنەن كەلەتىن  حالىقتاردىڭ بەيبىت، كەلىسىمدە بولعانىن قالايمىز»، – دەدى قازاقستاندىق بوكسشى، الەمنىڭ ەكى دۇركىن چەمپيونى، وليمپيادا چەمپيونى سەرىك ساپييەۆ.

سونداي-اق، قوناقتاردىڭ جايلى ورنالاسۋىنا جاعداي جاسايدى. ايتا كەتەيىك، اتلەتيكالىق قالاشىق رەسمي تۇردە قاڭتاردىڭ 24-ىندە اشىلادى. وندا وزگە مەملەكەتتەردەن كەلگەن 5 مىڭعا جۋىق سپورتشى مەن باپكەر، تەحنيكالىق مامان ورنالاسادى. سونىمەن قاتار، رەسەي، ۋكراينا، وڭتۇستىك كورەيا، جۇڭگو، اقش-تان كەلەتىن 100-گە جۋىق ەرىكتىلەر دە بولادى.