"ازاماتتارعا ارنالعان ۇكىمەت" مەملەكەتتىك كورپوراسياسىنىڭ وكىلدەرى الماتىداعى الاتاۋ اۋداندىق حالىققا قىزمەت كورسەتۋ ورتالىعىندا بولعان وقيعاعا بايلانىستى تۇسىنىك بەردى. ەستەرىڭىزگە سالا كەتەيىك، بۇگىن ۋاقىتشا تىركەلۋ ءۇشىن كەزەكتە تۇرعان 50 جاستاعى ەر ادام الماتى قالاسىنداعى الاتاۋ اۋداندىق حقكو قايتىس بولدى.  

"بۇگىن، 2017 جىلدىڭ 16 قاڭتارىندا الماتى قالاسى الاتاۋ اۋداندىق حقكو-دا 1964 جىلعى ازامات قۇنتاقوۆ جاراس نۇرقىباي ۇلىنىڭ قايتىس بولعانىن وكىنىشپەن حابارلايمىز. جاراس نۇرقىباي ۇلى حقكو-عا 9.30-دا "ازاماتتاردى تۇرعىلىقتى جەرى بويىنشا تىركەۋ" قىزمەتىن الۋ ءۇشىن ايەلىمەن بىرگە كەلدى، بۇل ۋاقىتتا حقكو-دا ادامدار كوپ بولماعان. ول ءبىرىڭعاي ەلەكتروندى كەزەككە تالون الىپ ۇلگەرمەگەن ايەلى بلانك تولتىرىپ جاتقان، 09.42-دە ازامات السىرەپ، وعان حقكو-دا كەزەكشىلىكتە وتىرعان مەديسينالىق جۇمىسشى جەدەل مەديسينالىق كومەك كورسەتتى. 9.52-دە جەدەل جاردەم كەلىپ جەتتى، الايدا جاراس نۇرقىبايۇىلىن قۇتقارۋ مۇمكىن بولمادى. "ازاماتتارعا ارنالعان ۇكىمەت" مەملەكەتتىك كورپوراسياسى جاراس نۇرقىباي ۇلىنىڭ جاقىندارى مەن تۋىستارىنا كوڭىل ايتادى" دەيدى "ازاماتتارعا ارنالعان ۇكىمەت" مەملەكەتتىك كورپوراسيا وكىلدەرى.

كورپوراسيا وكىلدەرى، مۇگەدەكتەرگە، جۇكتى ايەلدەرگە حقكو-لاردا جەڭىلدىك-تەرەزەلەرى جۇمىس ىستەيتىنىن ايتىپ، سوزىلمالى اۋرۋمەن اۋىراتىندارعا حقكو ادام كوپ كەزدە كەلمەۋدى سۇراپ وتىر. ال 1ء-شى جانە 2ء-شى توپتاعى مۇگەدەكتەر حقكو قىزمەتكەرىن 1414 ءنومىرى بويىنشا ۇيىنە شاقىرتا الادى ەكەن.