باعلان مايلىبايەۆ 2 اي مەرزىمگە قاماۋعا الىندى. بۇل تۋرالى قازاقستان رەسپۋبليكاسىنىڭ ۇقك باسپا ءسوز قىزمەتى حابارلادى.

"2017 جىلعى 12 قاڭتاردا قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى قازاقستان رەسپۋبليكاسى قىلمىستىق كودەكسى 185-بابى 1، 3-بولىگىندە كوزدەلگەن («مەملەكەتتiك قۇپيالاردى زاڭسىز جيناۋ، تاراتۋ، جاريا ەتۋ») قىلمىستاردى جاسادى دەگەن كۇدىكپەن ق ر پرەزيدەنتى اكىمشىلىگىنىڭ قىزمەتكەرلەرى بولعان ب. مايلىبايەۆ جانە  ن. گاليحين ۇستالدى" دەلىنگەن حابارلامادا.

14 قاڭتاردا استانا قالاسى، ەسىل اۋداندىق سوتى 2 اي مەرزىمگە قاماۋعا الۋ سانكسياسىن بەردى. اتالعان تۇلعالار قازاقستان رەسپۋبليكاسى قىلمىستىق-پروسەستىك كودەكسىنىڭ 128-بابىنا سايكەس ۇقك تەرگەۋ يزولياتورىنا قاماۋعا الىندى. كۇدىكتىلەردىڭ جانە ولاردىڭ تۋىستارىنىڭ تۇرعىلىقتى جەرلەرى بويىنشا تىنتۋلەر جۇرگىزىلدى، زاتتاي دالەلدەمەلەر الىندى. تەرگەۋ ءالى دە جالعاسۋدا. 

مايلىبايەۆ پرەزيدەنت اكىمشىلىگىنىڭ بۇرىنعى باسشى ورىنباسارى قىزمەتىندە التى جىل بويى بولعان.

12 قاڭتار كۇنى ول پرەزيدەنتتىڭ جارلىعىمەن قىزمەتىنەن بوساتىلدى. ورنىنا رەسەيدە ەلشىلىك قىزمەت اتقارعان مارات ءتاجين تاعايىندالعان ەدى.